影片
更多
2024-04-19
108 瀏覽
今次我地去左牛頭角呢邊一間食得健康既餐廳食飯，平時出街食飯多數都有種感覺係會食得肥，呢間餐廳食飯就唔洗擔心呢樣野，部分菜式更加係由註冊營養師同健身教練推薦💪🏻餐廳燈光偏暗，幾有情調，指定日子更有live music表演，咁岩我黎食都有人表演，餐牌會寫上食材之餘仲有顯示幾多卡品里同蛋白質既數值，方便客人揀適合既餐🤟🏻明太子汁烤三文魚配古斯米（$148）古斯米係一種非洲國家，阿爾及利亞，摩洛哥等國家既主食，係用粗麵粉製成既，形狀同樣貌都似我地食開既米，口感我覺得似碎左既椰菜花，個餐賣相好靚，件三文魚烤得好香，烤到少少脆邊，撈埋飯同旁邊既明太子汁食好夾，估唔到健康餐都有烤三文魚食咁正😍蟹肉櫻花蝦香辣蕃茄忌廉冬粉（$158）呢碟蟹肉冬粉都幾辣，味道比較似韓式風味，有勁多櫻花蝦，啖啖都食到，d蟹肉都好鮮味，冬粉吸曬d汁既味道，辣得黎又爽口🔥營養奶昔：青松林綠（$55）呢杯奶昔用左牛油果，香蕉，椰子水整成既，入口唔會好杰，仲有香濃既香蕉味🥑🍌🥥抹茶漸層咖啡（$50）呢杯咖啡好特別，唔止個樣係漸變，味道都係漸變，首先飲落係咖啡味，去到喉嚨感覺到有抹茶味，好有特色既一杯咖啡🍵☕️呢間餐廳健康得黎食物又唔
餐廳燈光偏暗，幾有情調，指定日子更有live music表演，咁岩我黎食都有人表演，餐牌會寫上食材之餘仲有顯示幾多卡品里同蛋白質既數值，方便客人揀適合既餐🤟🏻
明太子汁烤三文魚配古斯米（$148）
古斯米係一種非洲國家，阿爾及利亞，摩洛哥等國家既主食，係用粗麵粉製成既，形狀同樣貌都似我地食開既米，口感我覺得似碎左既椰菜花，個餐賣相好靚，件三文魚烤得好香，烤到少少脆邊，撈埋飯同旁邊既明太子汁食好夾，估唔到健康餐都有烤三文魚食咁正😍
蟹肉櫻花蝦香辣蕃茄忌廉冬粉（$158）
呢碟蟹肉冬粉都幾辣，味道比較似韓式風味，有勁多櫻花蝦，啖啖都食到，d蟹肉都好鮮味，冬粉吸曬d汁既味道，辣得黎又爽口🔥
營養奶昔：青松林綠（$55）
呢杯奶昔用左牛油果，香蕉，椰子水整成既，入口唔會好杰，仲有香濃既香蕉味🥑🍌🥥
抹茶漸層咖啡（$50）
呢杯咖啡好特別，唔止個樣係漸變，味道都係漸變，首先飲落係咖啡味，去到喉嚨感覺到有抹茶味，好有特色既一杯咖啡🍵☕️
呢間餐廳健康得黎食物又唔會淡味，我自己會推介蟹肉香辣冬粉，飲品兩杯都有特色，營養奶昔自己一定唔識整，黎食一定要嗌番杯黎飲👍
張貼
