Karui Bento (已搬遷) 新店位置

今日跟朋友去鰂魚涌，佢話帶我去食間好好味既日式便當，一入到去，店員態度幾好，笑容親切。間店舖細細間，幾骨緻，我估平時應該做開外賣多，因為星期六無乜人，我地選擇堂食。坐抵一睇餐牌，第一印象係..."嘩!咁鬼健康既，會唔會中大伏啊"，因為差吾多所有便當都配搭野菜。經過一輪猶豫，我選左應該最保險既照燒雞扒配野菜便當，朋友選左挪威三文魚配野菜便當。落完order好快上菜，賣相幾OK，飯量吾多，反而雞扒同野菜佔左大半個便當。食落有D驚喜，同平時食開D照燒雞扒好吾同，比較乾身同入味，配埋D野菜一齊食，味道出呼意料又幾掂吓。我本身食量都幾大，不過食完個便當都feel到幾飽肚。之後試埋我朋友個盒D三文魚(份量太多，佢食吾晒^^)，味道好清新，食得出D三文魚好新鮮，又係另一種味道，適合淡口味既朋友。最後，要比個贊呢間店，因為D便當真係落足料，就算係食肉獸既我都覺得幾好味，如果平時食得健康既朋友應該會好鍾意。~~值得下次再黎幫襯。