周記點心

營業中

休息中

某朝諗唔到早餐食咩好，上網搵到呢間點心，就揸車過嚟食。舖頭細細，但人流絡繹不絕。⠀聽聞最出名係蝦多士🍤🍞，但今次冇嗌到，淨係求其嗌咗啲點心。鴛鴦燒賣，有原味同黑松露，燒賣算大粒，黑松露on top都幾香🖤。金錢肚都算腍，沙爹口味冇乜特別。芝士蝦長春卷鬆脆而冇油抑味。陳皮牛肉冇乜特別。值得一講嘅係蝦醬豬頸肉飯，好少酒樓/食點心嘅舖頭會有呢款盅飯，所以嗌咗嚟試試，蝦醬好香，豬頸肉肥瘦適中，再落啲豉油撈埋個飯又唔會好鹹，呢個飯有平凡中嘅驚喜👍🏻。最後嗌咗杯凍奶茶都幾有茶味，純粹係中意食點心配凍奶茶先嗌🤣。⠀當日週末中午時間去到等咗10分鐘到，地方細要搭枱，但一樣無阻食客們嘅支持。