蘭特餅店 (已結業)

與朋友食完飯，經過這蛋糕店，見到有客人買好多曲奇餅，入去看一看先。原來曲奇餅做緊優惠，買四送一，即係$100有五盒，幾抵喎，仲有多款味道選擇，買幾盒返公司食先。風趣友善嘅店員笑說：「我哋啲曲奇餅🍪好好食㗎，你試過一次就知架啦！」我選咗：伯爵茶🌱、脆脆朱古力🍫、小紅莓、綠茶🍵及鹹蛋肉鬆曲奇。見到「蝴蝶酥🦋有肉鬆味$30」幾特別。最後，仲買咗「伯爵茶蛋糕$25」及「肉鬆波波$18」比屋企人食。曲奇餅🍪做得鬆脆好味；朱古力脆脆，外邊真係脆脆地，朱古力味濃，唔錯；我一向對伯爵茶曲奇偏愛，一口接一口食唔停😋。肉鬆蝴蝶酥，經過烤焗嘅肉鬆更添焦糖香氣，肉鬆和酥皮的酥鬆，味道好夾。伯爵茶蛋糕口感細膩，飽滿的空氣感，每一口也散發着幽幽的伯爵茶香味🌱；至於肉鬆芝士波波🧀️，比屋企人食哂😆。有緣再見，一定會試埋其他曲奇餅味道。