Mr. Right (已結業)

偶然經過此地，才發現有好幾間從未品嚐過嘅餐廳，唔知係冇認真留意抑或係新開，有時間當然要試一試～選了一間感覺精緻嘅西餐廳，Mr. Right都係一個對題嘅名，只係唔知講緊食物定係一齊食飯嘅人⋯內部裝修頗有情調，播住輕柔嘅音樂，好舒服好放鬆Set dinner由沙津到甜品全部齊備，因為想試多幾款，點左較貴嘅套餐凱撒沙津醬唔會過份濃厚，佢然食到菜嘅甜味，加上煙肉粒同芝士，口感又多左幾重圈成恭形嘅煙三文魚大大件，估唔到沙津已經咁滿足龍蝦湯幾濃郁，仲有大大隻蝦肉，好爽口！海鮮拼盤其實唔算迷你，凍蝦爽口但甜味略為不足，螺肉鮮味更甚；生蠔肉厚而且creamy，本人最愛鵝肝煎到好香口，配埋脆多士食好感一流，醬汁到伴碟嘅酒味都頗濃，減輕番油膩感天使麵麵質幼滑，吸滿哂醬汁；上面白色一團係滿滿嘅蟹肉，啖啖肉極滿足，黑松露味道唔會太濃而蓋過蟹肉鮮味，三文魚子可以話係畫龍點睛，增添口感又鮮甜牛扒五成熟煮過左少少，但唔影響肉質嘅嫩滑，亦唔會乾身，醬汁味道唔突出，不過本身牛肉已經好味；薯條好飽滿可惜唔夠脆身，但朋友話更愛呢個口感心大軟朱古力味濃得黎帶苦，唔愛黑朱古力嘅我覺得稍為失望，反而更愛雪糕，好香滑！綿密嘅荔枝