恆達油渣麵

營業中

休息中

呢度賣嘅油渣麵係真正正宗香港風味嘅油渣麵！係我細個踎喺街邊嗰啲一個挑擔一個火水爐就賣油渣麵嘅婆仔度食到嘅味道！無整色整水！唔係無啦啦落啲冬菇落去唔知做乜嗰啲油渣麵囉！各位老嘢如果想食返細個時食到嘅香港味，就一定係嚟呢間！不過，要挑剔的話，你可以話佢舖細，無位坐，坐都坐得唔舒服，我自己就直頭擔櫈出舖坐街邊食。如果係啲落場時間，啲麵可能會淋啲，無新落嘅麵咁爽！但以上兩點反而令我覺得令成件事更有舊香港味！