三田製麵所 (金朝陽中心二期 - Midtown)

營業中

休息中

近日香港有越黎越多沾麵店。有少數都仍然可以保留到日本風味，亦有好多加入左本土風味。至於過江龍三田製麵所，係保留到日式風味嘅其中一間。食過沾麵都知，魚介湯底先係日式沾麵嘅傳統，而三田保留到傳統魚介風味，再建基於魚介湯底繼承創新。當中有辣味，同不同季節嘅限定風味。魚介湯底濃厚，而且麵條亦容易掛湯。如果食完想飲埋d湯，可以向waiter要求加清湯！最後值得一提，呢間沾麵/拉麵店係有加一收費，以沾麵/拉麵店計係比較少有。