果子｜海南雞飯·喇沙摻摻 (啟昌樓) (已結業)

環境：店鋪系地鋪，門面唔大，但系入門後好深入，都好多位置。環境尚算闊落，裝修簡約，光線，位置都好舒適。食物：店鋪主打星馬菜，甘就梗系要試下啦。肉骨茶、海南雞梗系唔少得。肉骨茶：用料好足，肉排，金菇，腐竹等，藥材味十分濃郁，滋補又暖胃。海南雞：事關當晚走地雞售罄，就叫左普通雞。的確雞偏肥少少，但雞皮尚算爽滑，肉質鮮嫩，食落真系啖啖肉，配埋傳統醬汁，相當唔錯。BTW，雞油飯香而不膩，食曬成碗。鳳爪+炸蝦卷：小食好得意，無骨鳳爪好正路，酸辣爽口。金絲蝦球，賣相十分OK啦。外面薯仔炸到好鬆脆，咬落彈牙又鮮甜，點埋醬汁更別具風味。串燒拼盤：平時食開泰式串燒，今次試下唔同嘎。豬頸肉稍微遜色，個人覺得燒香啲會更出色。串燒有雞肉，豬肉，牛肉，肉質都嫩滑，加埋沙嗲醬別有一番風味。飲品：檸檬薏米水勁好飲，清甜唔酸，夏日炎炎，真系消暑解渴。