影片
更多
2017-06-09
4529 瀏覽
幾個朋友一早預訂左位置黎試下呢間放題，順便補祝其中一位朋友生日。紅假前夕，收費係$258/人/2hr，唔係話好平價，俾多少少都食到大_屋系列。餐廳位置頗多，算係食過比較闊落嘅放題，特別我地7位，可以坐圓枱，比較方便傾計，唔會話頭尾嘅朋友遠到零交流！餐牌選擇都算豐富，一般放題有嘅都有齊架喇，刺身、壽司、炸物、燒物等。飲品方面自取，除左有道地罐裝/包裝飲品，有汽水、啤酒、果汁、陽光系列飲品，居然仲有熱維他奶(笑)。自助吧仲有少量沙律、水果、甜品，不過當日我地食第二輪，有啲甜品尚未fill齊。豆腐/綠茶味gelato：試左豆腐味，味道突出，雪糕質地都算滑，而且獨立包裝，比較衛生。另外仲有幾款味道嘅雪米糍。通常食放題我地都係先點刺身、壽司類，後點熟食啦，照呢個模式落單，一般放題都好快會上到刺身，不過呢間奇怪地係不停好快上熱食，最終刺身等左超過30分鐘先食到第一盤呢！（鐘意食刺身嘅可能要密密寫）刺身有三文魚、北寄貝、中拖羅、帶子、白肉豚、油甘魚、赤貝、八爪魚、赤蝦、鮑片、甜蝦、希靈魚等，乜都點左啲。賣相唔錯，但就唔係樣樣好食三文魚算係食過放題比較靚，雖然唔係腩但都幾肥美，冇乜筋位；北寄貝、八爪魚
紅假前夕，收費係$258/人/2hr，唔係話好平價，俾多少少都食到大_屋系列。餐廳位置頗多，算係食過比較闊落嘅放題，特別我地7位，可以坐圓枱，比較方便傾計，唔會話頭尾嘅朋友遠到零交流！
餐牌選擇都算豐富，一般放題有嘅都有齊架喇，刺身、壽司、炸物、燒物等。
飲品方面自取，除左有道地罐裝/包裝飲品，有汽水、啤酒、果汁、陽光系列飲品，居然仲有熱維他奶(笑)。
自助吧仲有少量沙律、水果、甜品，不過當日我地食第二輪，有啲甜品尚未fill齊。
豆腐/綠茶味gelato：試左豆腐味，味道突出，雪糕質地都算滑，而且獨立包裝，比較衛生。另外仲有幾款味道嘅雪米糍。
97 瀏覽
0 讚好
0 留言
71 瀏覽
0 讚好
0 留言
通常食放題我地都係先點刺身、壽司類，後點熟食啦，照呢個模式落單，一般放題都好快會上到刺身，不過呢間奇怪地係不停好快上熱食，最終刺身等左超過30分鐘先食到第一盤呢！（鐘意食刺身嘅可能要密密寫）
刺身有三文魚、北寄貝、中拖羅、帶子、白肉豚、油甘魚、赤貝、八爪魚、赤蝦、鮑片、甜蝦、希靈魚等，乜都點左啲。
賣相唔錯，但就唔係樣樣好食
三文魚算係食過放題比較靚，雖然唔係腩但都幾肥美，冇乜筋位；北寄貝、八爪魚幾爽口，唔會乾爭爭；帶子都係少有食到覺得鮮甜冇雪感；赤蝦夠大隻唔腥
拖羅、白豚肉、油甘魚比較普通，唔會想encore；赤貝係冇味，而希靈魚係有點腥
刺身
86 瀏覽
0 讚好
0 留言
35 瀏覽
0 讚好
0 留言
27 瀏覽
0 讚好
0 留言
壽司：
我地都試左唔少，整體黎講都合格，飯就屬於較硬身，冇乜醋味架喇，幸好就唔算話好大舊飯
軍艦嘅紫菜都算脆口，唔會淋bat bat。
火炙三文魚腩、火炙味噌醬蟹棒普普通通。
23 瀏覽
0 讚好
0 留言
35 瀏覽
0 讚好
0 留言
三文魚壽司、帶子壽司正常。
26 瀏覽
0 讚好
0 留言
火炙芝士玻璃蝦弱啲，冇乜火炙效果；汁燒和牛壽司不過不失。
26 瀏覽
0 讚好
0 留言
呢兩款係創作壽司，町、井，冇乜特別。
39 瀏覽
0 讚好
0 留言
手卷：
正常size，所以食唔到幾多條，想食軟殼蟹先點的。
14 瀏覽
0 讚好
0 留言
創作料理：
章紅魚薄切拌柚子酢，當中嘅章紅魚比刺身嘅油甘魚、拖羅好食。
另外兩份係吞拿魚他他、水晶香芒大蝦卷。
16 瀏覽
0 讚好
0 留言
熟食方面，一開頭嘭嘭聲咁上，到我地第二輪加單，就開始有漏單情況，同店員反映，佢地都係話再畫紙。
最終都有好多熟食我地係點左但冇上。
熟食整體比較一般，當中以塩燒牛舌、燒雞翼係比較好食。
20 瀏覽
0 讚好
0 留言
炒雜菌冇乜味。
16 瀏覽
0 讚好
0 留言
炒帶子又係冇乜味。
20 瀏覽
0 讚好
0 留言
煮蜆都係冇乜味，但冇沙，同埋都唔算得個殼。
17 瀏覽
0 讚好
0 留言
羊架，要睇好唔好彩，朋友話食到羶，有朋友又話ok。
羊架
37 瀏覽
0 讚好
0 留言
面頭燒得幾靚仔，一反轉嚇親…翠玉瓜燒到燶哂唔知乜情況…
28 瀏覽
0 讚好
0 留言
最遲先黎嘅雞軟骨，可惜好難食，油多唔脆
20 瀏覽
0 讚好
0 留言
蒸蛋合格，熱辣辣，幾滑溜。
12 瀏覽
0 讚好
0 留言
芝麻雞翼炸粉較厚，唔係即時做，味道點都爭啲。皮硬身，雞翼就冇乜問題。
我地覺得另一款燒雞翼較好食，所以有加單，但加左兩轉，到接近埋單先黎左幾隻。
11 瀏覽
0 讚好
0 留言
燒蝦唔係新鮮大家都明，呢隻食落唔霉，合格！
16 瀏覽
0 讚好
0 留言
12 瀏覽
0 讚好
0 留言
燒菠蘿
25 瀏覽
0 讚好
0 留言
蟹蓋粉感重，好在咁細隻。
26 瀏覽
0 讚好
0 留言
27 瀏覽
0 讚好
0 留言
最後，每人有一盒movenpick/dreyers雪條，2揀1，雪糕有雲呢拿、士多啤梨、朱古力味；雪條係芒果、抹茶。
任食嘅話要喺自助吧取雪糕球/雪米糍。
17 瀏覽
0 讚好
0 留言
我對呢餐冇抱任何期望，連埋加一都超過280蚊位，基於本身價錢唔係平價嗰種，所以質素都唔會太劣，點都一定好過劣食塔嗰啲。
刺身、壽司類都算合格，熟食就唔係樣樣好食，差唔多價位我諗好多人都會揀番九龍區嘅放題，黎呢度純粹因為方便。
服務方面一般，可能餐廳較大，人手唔係話好足，個個都好繁忙咁，而且亦都遇到漏單情況，如果漏單唔洗催架喇，因為店員會叫你再點。
張貼
