btw (已結業)

蔘雞湯好似韓國嗰d，人參味濃，第一個推介呢個！環境都好舒服，乾淨同坐既位置大。蒜蓉意粉好好食，鍾意辣既朋友可以試下，有種港版意粉既感覺。呢間餐廳都幾先進，有送菜機器人，唔知係唔係因為咁樣所以上菜速度都特別快。牛肉粒好軟，唔似其他普通餐廳咁韌，芝士醬製作都好用心，唔係d架芝士味。仲飲左杯奶茶，非常正⋯仲可以揀茶濃同奶濃，好貼心。仲有pizza， 上邊好多海鮮，個餅底好酥脆。