Chef’s Cuts Restaurant & Bakery

營業中

休息中

三個人叫咗兩個前菜兩個主菜加兩個甜品開一支酒同埋三杯happy hour時間order嘅wine . 埋單1900百幾價錢中上但係侍應服務嘅質素就可以再進步多啲其實體驗到侍應係希望介紹多啲嘢比食客，但係似乎態度語氣就唔係咁理想。雖然中間亦都好頻密，幫我哋換碟，以免味道影響下一碟嘅餸菜。不過當我哋食晒之後，佢就好似想趕客走收工咁，我哋都未叫埋單就攞張單俾我哋。實情時間9點半點都未夠加上奇奇怪怪門口嘅就係外籍講英文嘅侍應，好似門面好高級咁。但係入到去就全部都係廣東話嘅侍應。座位嘅擺設都唔係咁高級，同普通西餐廳分別不大。食物係除咗生牛肉他他比較理想高質，其他都唔係10分特別。而其實生牛肉他他都有少少筋，多士麵包亦都太燶。如果去開呢頭開飯就不妨一試，但係我就覺得無需要特別去食。