影片
更多
2019-05-26
20 瀏覽
星期六帶我家小B出黎玩玩（佢話要去上次個平台公園），玩完又係搵食時間，係尖沙咀要搵一間環境濶落嘅餐廳唔係無，但婆婆話想食泰國野，月尾又想搵啲親民啲㗎，上開飯search到呢間冬蔭Noodles，睇相唔錯，即刻推埋bb車過黎先。地點在The One對面好易搵，入面主色調係粉紅色㗎，好夢幻，小B勁like粉紅色，佢係咁話靚靚！婆婆係餐牌又睇到佢想食嘅野，一家大細都開心，即刻放下心頭大石，大家輕輕鬆鬆食餐飯。店員好baby friendly，歡迎我地自由揀位，收起b車放一旁，坐第一排就最唔會阻到其他食客啦。泰式玫瑰奶茶（$38）＆甜蜜蜜蝶豆花茶（$38）天氣溫度上唔係好高，但勁濕，玩一陣公園已經熱到成身出哂汗，即刻叫番杯凍飲降溫先，揀左兩杯個名上最夢幻嘅，哈哈，想打卡靚下嘛。果然無失望，靚靚之餘又好飲。玫瑰奶茶勁香，加入煉奶配上香料紅茶，茶香奶滑正呀。蝶豆花由藍變紫幾時都係咁靚，味道清涼加上蜜糖香甜，正喎！扎肉牛丸冬蔭功湯金邊粉（$68）餐廳名叫冬蔭Noodles咁就梗係叫番碗冬蔭功湯粉啦，呵呵，上枱時好香啊～湯底濃郁好鮮味，酸酸辣辣十分開胃，婆婆覺得可以再辣少少，後來店員告知可以在落單時要
地點在The One對面好易搵，入面主色調係粉紅色㗎，好夢幻，小B勁like粉紅色，佢係咁話靚靚！婆婆係餐牌又睇到佢想食嘅野，一家大細都開心，即刻放下心頭大石，大家輕輕鬆鬆食餐飯。
店員好baby friendly，歡迎我地自由揀位，收起b車放一旁，坐第一排就最唔會阻到其他食客啦。
泰式玫瑰奶茶（$38）＆甜蜜蜜蝶豆花茶（$38）天氣溫度上唔係好高，但勁濕，玩一陣公園已經熱到成身出哂汗，即刻叫番杯凍飲降溫先，揀左兩杯個名上最夢幻嘅，哈哈，想打卡靚下嘛。
果然無失望，靚靚之餘又好飲。玫瑰奶茶勁香，加入煉奶配上香料紅茶，茶香奶滑正呀。蝶豆花由藍變紫幾時都係咁靚，味道清涼加上蜜糖香甜，正喎！
扎肉牛丸冬蔭功湯金邊粉（$68）餐廳名叫冬蔭Noodles咁就梗係叫番碗冬蔭功湯粉啦，呵呵，上枱時好香啊～
湯底濃郁好鮮味，酸酸辣辣十分開胃，婆婆覺得可以再辣少少，後來店員告知可以在落單時要求辣度，方便個人口味。
配料揀左扎肉同牛丸，扎肉爽口帶香料味，正。牛丸彈牙牛味濃，有少少筋更有口感，兩樣都好好味噃。
金邊粉韌度十足口感正，吸飽湯汁好好味，而且份量好大勁飽肚。
無骨海南雞飯（$68）自己要左海南雞飯，賣相不錯喔。
雞件十分嫩滑，皮下無乜肥膏㗎，連雞皮食都無罪惡感，旁邊附上一個酸辣醬同一個薑蓉，兩個醬都太好味，每件雞都貪婪地沾上最多嘅醬先食，太好味了。
油飯好香口，有薑味蒜味雞味等，淨食佢唔食餸都可以食到幾碗啊，好好味呀～同樣份量也是很大，又係好飽肚，非常滿足。
鐵板蠔仔蛋（$88）超熱呀，滋滋聲叫緊，好香好香好香，聞到都流晒口水啦。
蛋好滑（點做到咁滑㗎？），入面有肥美鮮味的蠔仔，仲有蔥嘅香味，熱辣辣超級正，嫩滑的蛋但邊位焦香，太太太好味了，連下層的芽菜都全清碟，食到停唔到口！所有野都好好味，而且食完無口渴，抵讚！
PS。枱上送來的水原來用左班蘭葉去煲，唔怪得飲落有陣香味啦。
張貼
