澳瑪葡國菜 (已結業)

最近興起通過某手機app訂座有折，訂了這裡週五9:00。放工8:50pm 到達，門前人山人海。等了好一會終於見到服務員，表明已訂座，但只換來一句「未入得」。雖然裡面分明有座位，畢竟不同時段有不同優惠，等等都合理。不過，唔使攞飛，又唔使知道我咩名訂座。總之就係等，有點唔對路。如是者問了幾次都唔明究竟點玩法，終於問多了 9:10 突然又可以入座了。自帶了紅酒，服務員問過無 decanter，唉⋯⋯ anyway。點了馬介休炸薯球、乳豬、牛肋跟薯條。食物質素中上。薯球正常；乳豬偏肥，皮稍微不夠鬆脆，但夠肉味；牛肋燒到5成熟夠肉汁。送左個豬仔包唔熱又有點韌。環境方面，靠窗位有機會好點。我被安排左裡面，燈光猛烈，氛圍比較嘈雜。埋單連開瓶費($100)、甜品，全單才$498（2人），的確好抵。可惜整體用餐體驗一般。未必有下次。