Big Daddy’s Little Cafe (已結業)

平時冇咩機會去到土瓜灣附近，但前幾日要去紅館，與其要到紅磡同人搶位食野，不如搭多兩個站到土瓜灣搵一間身邊人推薦嘅美式漢堡店小店開係唔太顯眼嘅位置，唔熟呢區嘅朋友可能要開定google map先店內座位唔多，環境靜，可以放鬆享用食物，所有漢堡同小食都係即叫廚師即整，大約等十五分鐘左右，店員上菜時有問是否需要手套，睇之前嘅食評好似冇提供呢樣，有一直改善服務用心經營我點左勁爆漢堡，兩塊漢堡扒好足料，醬汁同配菜都好夾個包，咬左兩啖個手套已經有好多汁，名副其實嘅爆汁漢堡，推薦而朋友點左南部特色漢堡，同樣都係足料多汁，個特色醬好配，十分出色，推薦呢間絕對係可以滿足大家想放肆食大餐嘅餐廳，成個餐嘅份量夠大家食足三四十分鐘，價錢又抵，所以整體係十分推薦，大家可以多多支持優質小店