影片
更多
2024-03-25
37 瀏覽
某日想同朋友去恰下恰下打邊爐，見到呢間餐廳的招牌燈紅火綠充滿日式風情，為左解下日本癮就決定在這裡醫下五臟腑。餐廳環境有好多紅卜卜的日式燈籠，裡面有一部份掛左黃色的燈籠，店面顏色都幾豐富又温暖。門面放左個木架放滿曬啲日本酒裝飾，好有居酒屋feel，真係有種去左日本的錯覺。舖面裡面放左個飛標盤俾客人可以隨時玩下擲飛標。餐廳有温馨提示食客唔好做大嘥鬼，要量力而為。飲品種類都算多，有汽水、紙包飲品同日本酒等等。做唔做酒鬼任君選擇。餐牌套餐種類有4款，牛肉種類主打美國牛頸脊，美國安格斯牛小排和日本A5宮崎和牛，豐儉由人，最貴個款有A5和牛嘆都只係448元一位平日，仲有龍蝦、鮑魚之類贈送。細項都有啲澳洲和牛肉、牛胸爽之類，選擇都算唔少。放題邊爐湯底可以選擇番茄鍋、椰子雞鍋和鵝血麻辣鍋，我地唔食得辣就叫左椰子雞鍋﹐湯底味道都算鮮甜。呢排因為糧尾我地選擇左美國牛頸脊套餐，餐廳都幾細心，每一款肉類都會有張紙寫住方便分辦。牛頸脊肉味都算濃，比較少根腱，因為部位比較瘦所以少啲牛脂香味，總括而言味道都唔錯。套餐內的肉類都可以無限任叫，我地起碼叫左3次以上返盤，每一次都會有指示話我地知依家食緊邊款肉類，呢點餐廳
餐廳環境有好多紅卜卜的日式燈籠，裡面有一部份掛左黃色的燈籠，店面顏色都幾豐富又温暖。門面放左個木架放滿曬啲日本酒裝飾，好有居酒屋feel，真係有種去左日本的錯覺。舖面裡面放左個飛標盤俾客人可以隨時玩下擲飛標。
餐廳有温馨提示食客唔好做大嘥鬼，要量力而為。飲品種類都算多，有汽水、紙包飲品同日本酒等等。做唔做酒鬼任君選擇。
餐牌套餐種類有4款，牛肉種類主打美國牛頸脊，美國安格斯牛小排和日本A5宮崎和牛，豐儉由人，最貴個款有A5和牛嘆都只係448元一位平日，仲有龍蝦、鮑魚之類贈送。細項都有啲澳洲和牛肉、牛胸爽之類，選擇都算唔少。
放題邊爐湯底可以選擇番茄鍋、椰子雞鍋和鵝血麻辣鍋，我地唔食得辣就叫左椰子雞鍋﹐湯底味道都算鮮甜。
4 瀏覽
0 讚好
0 留言
3 瀏覽
0 讚好
0 留言
3 瀏覽
0 讚好
0 留言
餐廳仲有一般的丸類和蔬菜可以選擇，為邊爐添返啲款式唔會淨得肉片咁單薄。
3 瀏覽
0 讚好
0 留言
調味品區選擇唔算好多，但基本需要的鼓油，辣椒、蔥花、蒜頭都一概齊全。
冷盤味道唔錯，如果食得太多肉偶然食下都幾解滯。
2 瀏覽
0 讚好
0 留言
炸物上菜速度都算快，而且上菜個陣都冒緊煙。黑松露炸薯條唔會太鹹，有少少松露香味。牛肉薯餅味道尚可，不過牛肉就少左啲。
3 瀏覽
0 讚好
0 留言
甜品類都係包裝好既雪糕同雪米糍，雪糕口感都幾絲滑，味道同街外賣的質素差不多。
1 瀏覽
0 讚好
0 留言
總括而言，餐廳主打係日本居酒屋氣氛，環境都算滿意的。牛肉和豚肉種類都唔少，不過海鮮選擇唔算好多，亦無刺身類可供選擇。食物質素尚可，落單之後上菜速度都OK，基本10至15分鐘內食到主食。如果下次再經過，都會再黎一次。
張貼
