花園餐廳 (康寧道)

營業中

休息中

今日一個人，經過花園餐廳，突然間好想食。因為一個人叫咗一個扒餐，上野好快。係印象中嘅忌廉湯，唔會太過濃奶味，好傳統，入面有薯仔粒，有少少魚肉，唔會杰撻撻，點個餐包黎食一流。餐包我都好鐘意食，上嘅時候都仲係暖㗎！我以前食鐵板就好期待淋汁嗰一下，而家人大咗要健康，所以我就走汁。呢個係鑊仔牛柳（紐西蘭），見到啲肉都覺得佢好似好好味，因為係鐵板所以一直都好熱，切開其實好林，唔會太過硬身，食落個皮都幾脆，好多汁，唔會好柴皮，都幾有肉味。薯條係我最鍾意食嘅粗薯條，好有茶餐廳嘅風味，都唔會太過淋，都脆口嘅。總括而言係童年回憶，價錢都相宜，有機會會再嚟食㗎啦！