影片
更多
2024-06-17
1378 瀏覽
野川拉麵の深燒食堂📍元朗又新街40-48號榮豐大廈地下B號舖一個滂沱大雨嘅周末，我約好前上司喺佢放工後食個飯、敘敘舊。為咗方便傾偈，我哋揀咗一間開到凌晨1:30嘅人氣餐廳，邊食邊catch up。呢間主打拉麵嘅港式日料餐廳，亦有提供一系列新鮮刺身、壽司、炸物、燒物、串燒、特色飲品⋯⋯種類繁多，數之不盡。其中一大優點係可以較貼地嘅價錢品嚐如放題般豐富嘅食物，唔想受時間所限、食到趕頭趕命嘅大家，絕對可以考慮呢間餐廳！ 💰$44/2本花の恋 🌹為今餐打響頭炮嘅係花之戀壽司，用上鮮甜嘅三文魚，飯量適中，搭配大量蟹籽同帶鹹嘅日式沙律醬，係我至愛嘅組合！ 💰$90/8隻甘えび 🦐原隻甜蝦每隻大小相約，蝦肉剔透，味帶甘甜，最愛佢黏黏哋嘅口感，非常高質！ 💰$80/5切鮭はらみ 🐟厚切𠝹花嘅三文魚腩魚油豐膄，味道鮮甜，肉質爽口，比一般普通三文魚刺身更為滋味。 💰$70/10切ホタテ 🐚帶子片片晶瑩，口感新鮮，味道甘甜，無絲毫腥味，讚！ 💰$80/6隻海老の天ぷら 🍤炸物方面我哋點選兩款天婦羅，大蝦裹上一層偏薄嘅脆漿落油炸至金黃香脆，有別一般港式日料天婦羅嘅品質，無論熱食或放涼後，炸蝦仍然外脆內爽，唔會
📍元朗又新街40-48號榮豐大廈地下B號舖
一個滂沱大雨嘅周末，我約好前上司喺佢放工後食個飯、敘敘舊。為咗方便傾偈，我哋揀咗一間開到凌晨1:30嘅人氣餐廳，邊食邊catch up。
呢間主打拉麵嘅港式日料餐廳，亦有提供一系列新鮮刺身、壽司、炸物、燒物、串燒、特色飲品⋯⋯種類繁多，數之不盡。其中一大優點係可以較貼地嘅價錢品嚐如放題般豐富嘅食物，唔想受時間所限、食到趕頭趕命嘅大家，絕對可以考慮呢間餐廳！
[價錢 Price]
💰$44/2本
花の恋 🌹
為今餐打響頭炮嘅係花之戀壽司，用上鮮甜嘅三文魚，飯量適中，搭配大量蟹籽同帶鹹嘅日式沙律醬，係我至愛嘅組合！
[價錢 Price]
💰$90/8隻
甘えび 🦐
原隻甜蝦每隻大小相約，蝦肉剔透，味帶甘甜，最愛佢黏黏哋嘅口感，非常高質！
[價錢 Price]
💰$80/5切
鮭はらみ 🐟
厚切𠝹花嘅三文魚腩魚油豐膄，味道鮮甜，肉質爽口，比一般普通三文魚刺身更為滋味。
[價錢 Price]
💰$70/10切
ホタテ 🐚
帶子片片晶瑩，口感新鮮，味道甘甜，無絲毫腥味，讚！
[價錢 Price]
💰$80/6隻
海老の天ぷら 🍤
炸物方面我哋點選兩款天婦羅，大蝦裹上一層偏薄嘅脆漿落油炸至金黃香脆，有別一般港式日料天婦羅嘅品質，無論熱食或放涼後，炸蝦仍然外脆內爽，唔會腍晒或有霉嘅口感，有驚喜！由於本身炸蝦無過多調味，所以可以沾多一啲天婦羅汁，個人應為味度更佳！
[價錢 Price]
💰$74/2隻
ソフトシェルクラブの天ぷら 🦀
第二款係原隻軟殼蟹天婦羅，同樣裹上粉漿落油炸，但明顯成品比較酥脆，整體亦比較香口。切半上檯嘅軟殼蟹天婦羅份量十足，蟹肉鮮嫩無比，蟹膏甘香可口，一人一隻大啖大啖咬，都咪話唔爽！
[價錢 Price]
💰$82
自家製豚肉ラーメン 🍜
主食我哋揀咗餐廳非常受歡迎嘅拉麵系列，有11款不同配菜同6款湯底，任君選擇。我哋揀咗濃豚骨湯底自家製叉燒拉麵，配料毫不馬虎，基本拉麵配料如紫菜、荀、木耳絲通通有齊。最令我印象深刻嘅必定係糖心蛋，蛋黃呈橙紅色，調味適宜，伴拉麵食一流。
五片叉燒肥瘦均勻，口感軟嫩，味道帶少許甜味，雖與日式正宗叉燒不大相近，但富有自己特色。拉麵口感不軟不硬，屬典型港式拉麵風，整體唔會過鹹，性價比算高。
[價錢 Price]
💰$30/1隻
焼きホタテ 🐚
我哋仲一人額外追加一隻燒扇貝，前上司選擇蒜蓉燒辣口味，而我就選擇芝士燒口味。前者香辣爆蒜，非常惹味，後者芝味濃郁，香醇美味。兩隻扇貝都算大隻，燒嘅時間都掌握得好，保留到多汁、唔乾柴嘅口感。
我私心推介將剩餘嘅芝士汁配少少拉麵食，咁就可以食到好好味嘅芝士撈拉麵！
[價錢 Price]
💰$37
富士山頂コーラ🍹
白色嘅日本可樂令人聯想到富士山山頂清澈美麗嘅雪景，採用富士山天然水製作，味道比一般可樂清爽，而且咁平就有咁大杯，真係超值！
[價錢 Price]
💰$37
ドリアンソーダ 🍾
手工榴槤梳打係以水果為主題系列嘅其中一款人氣飲品，我本住試伏嘅心叫咗一枝嚟試。一擰開樽蓋，已經有陣濃烈嘅榴槤香味飄出嚟，不過飲落就知道佢嘅味道唔會太衝擊，比一般梳打多汔。如果喜歡食榴槤嘅朋友，應該唔會討厭，但唔鍾意榴槤嘅朋友，應該比較難接受。
張貼
