影片
更多
2024-11-30
78 瀏覽
聽朋友講元朗新開既呢間「FATTYBOI Pizza and Burger」既Pizza好正，主打即叫即做，睇得到既即製手工薄餅。最特別係透過店門口大玻璃，你可以清楚睇到店員由搓粉團、加料到入烤爐，全程透明化，仲好有「睇戲」既感覺！雖然係外賣店，但現場氣氛簡單又熱鬧，忍唔住就入去試吓。.招牌食肉獣手工薄餅 $125首先緊係要試一試試佢地既招牌「食肉獣」薄餅。第一口就被滿滿既肉香同芝士味包圍，番茄醬酸酸甜甜襯托得岩岩好。餡料真係多到數吾晒，有辣香腸、肉丸、雞肉丁、香腸、紅辣椒泡菜同墨西哥辣椒，仲加埋羅勒，香氣層次分明。批底又煙韌又彈牙，邊邊位仲有陣陣焦香，食完一啖即刻想再嚼多幾片。.招牌脆炸雞堡 $75另一個必食之選係招牌脆炸雞堡。望住個雞腿就知道係真材實料，厚到目測有4cm！外皮炸到金黃香脆，咬落去仲聽到「咔滋」聲，內裡既肉質juicy得黎好嫩滑，味道一流。用奶油麵包夾住，牛油香十足，加埋生菜、酸瓜、番茄片同洋蔥片，清爽又吾會膩，套餐附送既薯條都香脆得黎吾油膩，啖啖薯香，好有水準,蒜香脆雞翼 $45雞翼迷一定吾可以錯過佢地既蒜香脆雞翼。每隻雞翼都炸到皮脆肉嫩，外層D蒜香味濃郁，咬落去仲
聽朋友講元朗新開既呢間「FATTYBOI Pizza and Burger」既Pizza好正，主打即叫即做，睇得到既即製手工薄餅。最特別係透過店門口大玻璃，你可以清楚睇到店員由搓粉團、加料到入烤爐，全程透明化，仲好有「睇戲」既感覺！雖然係外賣店，但現場氣氛簡單又熱鬧，忍唔住就入去試吓。
.
招牌食肉獣手工薄餅 $125
首先緊係要試一試試佢地既招牌「食肉獣」薄餅。第一口就被滿滿既肉香同芝士味包圍，番茄醬酸酸甜甜襯托得岩岩好。餡料真係多到數吾晒，有辣香腸、肉丸、雞肉丁、香腸、紅辣椒泡菜同墨西哥辣椒，仲加埋羅勒，香氣層次分明。批底又煙韌又彈牙，邊邊位仲有陣陣焦香，食完一啖即刻想再嚼多幾片。
.
招牌脆炸雞堡 $75
另一個必食之選係招牌脆炸雞堡。望住個雞腿就知道係真材實料，厚到目測有4cm！外皮炸到金黃香脆，咬落去仲聽到「咔滋」聲，內裡既肉質juicy得黎好嫩滑，味道一流。用奶油麵包
夾住，牛油香十足，加埋生菜、酸瓜、番茄片同洋蔥片，清爽又吾會膩，套餐附送既薯條都香脆得黎吾油膩，啖啖薯香，好有水準
,
蒜香脆雞翼 $45
雞翼迷一定吾可以錯過佢地既蒜香脆雞翼。每隻雞翼都炸到皮脆肉嫩，外層D蒜香味濃郁，咬落去仲有少少椒鹽既鹹香，真係一啖接一啖停吾到手。份量足夠兩個人share，但食開就忍唔住想自私獨食！
.
即製甜甜圈 $65/3個
最後當然吾少得甜品，今次試左芒果、朱古力同檸檬蛋黃醬三款味道。芒果味清甜帶微酸，朱古力味濃郁滑口，檸檬蛋黃醬啖啖酸甜好醒胃，甜甜圈外層炸到金黃鬆脆，內裡鬆軟煙韌，每一個都好滿足。仲有草莓、雜莓同白朱古力口味，下次要試埋先甘心！
.
張貼
