羅東肉焿番

營業中

休息中

元朗有好多隱世美食，今日個元朗朋友就帶左我去佢平時食開都話好味既台灣餐廳度食晚飯。雖然先6:00 但入到去已經差唔多坐滿曬人。 我地先叫左佢地既招牌餐 -羅東肉焿湯餐 。而個餐有招牌魯肉飯，同個肉焿湯。要講下個飯 ，真係幾出色，肉汁夠多 有油香 ，最好味係佢有個糖心蛋。個湯都好唔錯，佢做肉既方法好特別，令到肉質好有口感。我地再叫左杯珍珠東瓜菜，唔算太甜，岩岩好，唔錯。因為朋友都有推薦佢地個綜合丸湯。有貢丸，手打蝦丸同墨魚丸，粒粒都彈牙。我地見到有夜市小食拼盤咁吸引所以都叫左。果然都無失望，最好食既係炸粉個個味道，同我地去台灣夜市食既味都一樣加上佢即炸都好新鮮最後食咁多野埋單都唔洗$200 性價比都幾高。