成都冒菜

營業中

休息中

今日又入到黎元朗國，突然之間想食酸辣粉，記得有個朋友仔話呢間野可以試吓！咁就過嚟試吓啦！間野位置比較隱蔽啲嘅！但都唔算難搵！入到去環境都幾企理嘅！侍應對答大致OK！去到野食，上到枱，真係嚇親我，點解可以咁大碗，而且價錢又唔係貴喎！真係可以食到飽到行唔郁，辣到亦都係比較驚人，相信廚師極有可能係四川人，已經叫BB辣，辣度對於我地來講可能係中辣！叫咗五樣餸，啲餸雖然好普通，但係都好入味！個薯粉都好夠林，真係有四川嘅風味！直頭係好過一般連鎖嘅粉麵店！當我俾錢嘅時候，見到佢喺大陸有攞過獎，唔怪之得個口味咁貼近當地！整體來講真係好食，只係自己食唔到個辣度！