新沙洞大排檔 (好順景大廈1座) (已結業)

元朗一向都多餐廳美食，今日我地去左元朗鳳攸南街附近搵食。由於我地太耐冇食韓國菜，所以我地去左「新沙洞大排檔」食晚飯。餐廳裝潢呈現韓國路邊攤風格，有室外和室內，餐廳裡播放著韓歌，好像置身於韓國大排檔一樣，好有地道感覺。新沙洞炸物拼盤有脆炸年糕配韓式辣醬、炸韓式餃子、脆炸粉絲紫菜卷、甜薯芝士條，全部即叫即炸，炸年糕食落外皮脆咬落去煙煙韌韌，甜薯芝士條食落甜甜地，芝士有拉絲效果，芝味十足。炸韓式餃子大大隻，餡料十足。鐵板燒濟洲黑毛豬配生菜拼盤用小鐵板上枱，可以自己燒，黑毛豬肥瘦均勻，肉嫩多汁，燒熟後特別香口，配以生菜、醬汁一齊食，可以減低油膩感。醬油蟹膏蟹肉拌飯入面有大量蟹肉、蟹膏、蟹籽、紫菜，再將蛋黃全部撈埋一齊食，口感濕潤，濃濃蟹的鮮甜味，超級超級好食，一口接一口，完全停不了。新沙洞芝士部隊鍋-秘製泡菜湯底2-3人份量，好大鍋，部隊鍋好豐富，有炸餃子、年糕、魚糕、蟹柳、午餐肉、豆腐、娃娃菜、公仔麵，秘製泡菜湯底好好飲，所有配料都入晒味，而且冬天食岩晒，一路滾住食，暖笠笠。招牌原粒蜂巢蜜米酒成粒原粒蜂巢加入米酒，米酒香和蜂蜜香味完美配搭，飲落甜甜地更易入口。🩷以家訂醬油蟹預訂優惠$198