至友美點

營業中

休息中

流沙奶皇包搣開個包有流沙效果，有粒粒蛋黃碎喺入邊，奶黃餡香滑，包身鬆軟。叉燒腸粉腸粉即叫即蒸，粉漿透薄夠滑，口感軟滑。入面叉燒份量正常，口感唔會好乾身。蝦餃餃皮晶瑩剔透，厚薄適中，唔會太厚皮，口感煙靭。裏面嘅蝦肉份量好飽滿，食落有口感。如果蝦肉再多少少會更好。鵪鶉蛋燒賣豬肉同蝦肉份量比例剛好，口感豐富滿足。腐皮蝦卷order完就會即刻喺門面度煎，腐皮煎到金黃香脆，入面有少少蝦肉。略嫌腐皮蝦卷太薄身，欠缺咗啲口感。