覓食家

營業中

休息中

覓食家係我同男朋友最鍾意食嘅一間炸雞髀店， 當我地平時諗唔到食乜嘅時候，我哋多數會去食呢一間。好多時候，我哋都係叫佢個炸雞髀配煎蛋跟飯加黑椒汁。有時候，當我男朋友唔想食飯，佢就會配炸薯餅或者沙律。如果唔想食炸雞髀嘅朋友，其實佢哋都有油髀供應架。佢哋個炸雞髀餐只係四十幾蚊連野飲，其實係而家呢個環境黎講，真係幾難搵到一間性價比極高而又好好味嘅一間良心小店。佢件炸雞髀大大件，又熱辣辣，個皮又卜卜脆，d雞肉 又Juicy。我哋每次食晒成碟嘅時候，都係可以飽成日架。另外提一提你哋，佢哋嘅飯/意粉，同埋個黑椒汁/咖喱汁係可以任添架，個老闆真係好好人有時候，當我唔想食雞髀時，我係會叫佢個南乳汁炇豬手飯，佢d豬手炇得勁淋，同埋每次都有五到六件豬手，不過依個豬手飯唔係真係成日有架！所以就要睇吓你嗰日好唔好彩數喇。