公車泰國餐廳

營業中

休息中

公車泰國餐廳 Kung Che Thai Restaurant 📍元朗西菁街2號興旺樓地下2-3號舖又同中學同學見面啦，今次約返喺近大家屋企附近嘅元朗見面，發現好多以前食開嘅餐廳、聚腳點都已經結業，證明市道真係幾差。喺呢個時勢，週末食個lunch都可以$60有找，仲包指定特飲同免加一，真係算好有良心。我講緊嘅係公車泰國餐廳，行過見到午市價錢便宜，環境闊落又企理，所以無需考慮太多就決定入座。 💰$58香葉辣椒肉碎飯 🧆愛飯嘅我多數都會叫好下飯嘅客飯，而食泰國嘢就多數都走唔甩，一定係叫返個香葉辣椒肉碎飯。我鍾意佢哋加入豆角去炒，令口感更好，營養更均勻。肉碎無太多肥肉，有肉汁，微辣口味更開胃，配埋煎蛋，還原泰式風味。 💰$58金邊粉 🍝朋友就叫咗個泰式即炒金邊粉，橙橙紅紅嘅顏色特別醒胃，令人食慾大增！主要配料都係一般嘅雞肉、雞蛋、豆乾等，金邊粉口感唔會過腍，咬落仍有咬口，混入粗粉花生一齊食，層次更豐富！炒金邊粉集鹹、甜、酸、鮮於一身，味道正宗，好抵食！ 💰$398泰式咖喱軟殼蟹 🦀見食物有水準，我哋決定喺主餐牌叫一款人氣菜式多多支持店家。一鍋上嘅泰式咖喱軟殼蟹超高性價比，內有4隻半軟殼蟹，每