十年 (已結業)

今日入開元朗， 唔知係唔係啲人返曬大陸消費。 元朗條街好少人，車都唔多。 上網見到呢間好似唔錯又好抵食。 去到唔使排隊， 餐廳唔係好大只係放到幾張枱。 午餐都係五十幾蚊起， 我哋叫咗龍蝦汁 蝦肉意大利飯， 冬陰功大蝦意粉， 加咗薯餅同牛油雞翼。薯餅同牛油雞翼都好好食， 新鮮炸出嚟薯餅仲唔小心沾滿牛油雞翼嘅牛油蒜香味龍蝦汁蝦肉意大利飯， 味道唔錯清清地， 但係問題在於龍蝦汁唔知去咗邊，都係好食嘅。建議可以加少少配菜。冬陰功大蝦意粉少少辣， 但感覺比較單調， 可以考慮加多少少配菜， 層次會豐富及賣相會吸引點。