影片
更多
2022-07-08
93 瀏覽
母親節冇同佢食飯咁啱佢又放假就特登搵咗呢間近近哋嘅日本居酒屋同佢食返餐飯見到個門口有啲似平時omakase 嘅風格，入到去有啲似去咗日本，我真係好掛住日本，坐嘅卡位仲有坐墊，而店員真係着住拖鞋，好有去咗日本嘅感覺呀🥹除咗卡位之外，仲有吧枱同埋房仔，成個感覺好正宗，坐得舒服食得更舒服😌漬物拼 $38 有紅酒汁橋頭同牛蒡，估唔到呢啲漬物都有得就咁叫，仲擺晒盤咁，好有心機甘醋蕃茄漬$58超級讚呢個，酸酸地，但食落番茄唔會生。好開胃，令我食完一片又一片，份量都唔少㗎汁煮鮟魚肝$148媽媽表示呢個超好食，佢個女本身都好鍾意食，我覺得呢個好驚喜嘅位係佢真係好有肝既感覺，可能係真係季節，好出色赤崎大船渡真牡蠣 🦪 $158@1嚟到嘅時候真係嘩咗聲，第一次見咁大隻嘅生蠔，佢真係好厚肉又大隻，而且口感好滑，味道唔算好重海水味，除咗檸檬汁仲有個秘製嘅酸汁，我自己就鍾意就咁加檸檬汁食，咁樣先可以食到本身生蠔嘅鮮味，愛生蠔人士必叫💯居酒屋刺身要試大拖羅（3切），雖然唔算好厚切，但係喺香港嚟講佢嘅拖羅比起平時食好貴嘅廚師發板更加出色，佢做到有溶既感覺呀係，就咁睇都見到佢既油脂好正🤭金目鯛（2切）食落去都新鮮都算
母親節冇同佢食飯咁啱佢又放假就特登搵咗呢間近近哋嘅日本居酒屋同佢食返餐飯
見到個門口有啲似平時omakase 嘅風格，入到去有啲似去咗日本，我真係好掛住日本，坐嘅卡位仲有坐墊，而店員真係着住拖鞋，好有去咗日本嘅感覺呀🥹
除咗卡位之外，仲有吧枱同埋房仔，成
個感覺好正宗，坐得舒服食得更舒服😌漬物拼 $38
有紅酒汁橋頭同牛蒡，估唔到呢啲漬物都有得就咁叫，仲擺晒盤咁，好有心機
甘醋蕃茄漬$58
超級讚呢個，酸酸地，但食落番茄唔會生。好開胃，令我食完一片又一片，份量都唔少㗎
汁煮鮟魚肝$148
媽媽表示呢個超好食，佢個女本身都好鍾意食，我覺得呢個好驚喜嘅位係佢真係好有肝既感覺，可能係真係季節，好出色
赤崎大船渡真牡蠣 🦪 $158@1
嚟到嘅時候真係嘩咗聲，第一次見咁大隻嘅生蠔，佢真係好厚肉又大隻，而且口感好滑，味道唔算好重海水味，除咗檸檬汁仲有個秘製嘅酸汁，我自己就鍾意就咁加檸檬汁食，咁樣先可以食到本身生蠔嘅鮮味，愛生蠔人士必叫💯
居酒屋刺身要試
大拖羅（3切），雖然唔算好厚切，但係喺香港嚟講佢嘅拖羅比起平時食好貴嘅廚師發板更加出色，佢做到有溶既感覺呀係，就咁睇都見到佢既油脂好正🤭
金目鯛（2切）食落去都新鮮都算厚切
牡丹蝦（2本）超級超級大隻，食落去唔痴，即係好新鮮
白蝦 一杯 （人手搣）有柚子味，一杯裏面有好多隻細嘅白蝦，咁師傅咪搣得好辛苦，辛苦曬，好好食😋
天澗特盛壽司16貫
見到目定口呆，估唔到佢啲壽司好高質，黎到已經吸引住我眼球，因為我見到好精緻仲見到有我最鍾意嘅拖羅
當天嘅壽司分別有鰯魚磯邊卷，赤鯥魚，帶子海膽，網池壽司，小肌魚壽司，北海戀，拖羅3重奏
壽司款式真係有驚喜，有啲喺出邊壽司舖未必食到，壽司應該會因應季節而師傅會轉唔同嘅壽司，就好似食緊廚師發板咁
鰯魚磯邊卷：其實佢就係沙甸魚，而入面加左酸汁，平時喺廚師法班都有機會會見到，但我真係第一次食，沙甸魚平時食開熟嘅，生嘅就會帶一點魚既鮮味，不過第一次食嘅我表示好新奇
赤鯥魚：本身赤鯥又稱為四大日本名魚，因為產量本身少，味道鮮美，肉質富含油脂，佢再燒左令到更加油脂豐富，好好食😋
帶子海膽：大大粒嘅帶子加上去本身嘅汁醬再配埋海膽，成件事好完美
海膽嘅味道絕對係日本靚海膽，所以食落好鮮甜
網池壽司：網池又稱池魚王，池魚既皇中之王，就好似網紅一樣，有新鮮要必食嘅魚，肉質纖細，油脂鮮美而不膩
小肌魚：好耐都冇見過呢隻魚，平時喺香港好少有得食，因為佢細骨比較多，處理比較麻煩, 但味道比起其他魚更加鮮
北海戀：有啲似花之戀嘅賣相，而食材係高級質素
分別用咗赤身同鰤魚包住舊飯，中間就有拖羅蓉，海膽同埋黑魚子
一啖擺落口，全部食材加埋一齊同拖羅一樣咁正
拖羅3重奏：壽司嘅最後，都係我最愛嘅重頭戲，拖羅3重奏呀係🥰🥰
分別有大拖羅，赤身同埋拖羅蓉，又係建議成舊擺落口，omg溶咗喺我口裏面
每件壽司都會有少量嘅蔥/薑/蘿蔔蓉，即使呢啲得好少，都係超夠味，真材實料
串燒
醬燒黑鰻，鹽燒白鰻，雞皮蝦
由於鰻魚用咗兩種唔同嘅整法，所以係兩種口感，我自己就比較鍾意食燃燒嘅白鰻，比較清一點，但係我又好鍾意食黑鰻既醬燒汁
蝦出面捲着雞皮，冇諗過雞皮可以包住既蝦
蝦頭炸過可以食，我真係第一次連個黑頭都食埋，蝦頭有好多膏，脆到食落去嘅時候有聲
江戶前玉子燒
一直都好鍾意食江戶前玉子燒，佢有個外觀做到蛋糕咁💯
食開既人都知道主要用咗蝦同埋魚，佢呢個口感真係好似蛋糕，味道就有別於平時出面食嘅
整體嚟講無論食物定話頸都係超級滿分💯
差啲唔記得一定要去廁所，個廁所好有日本風，又好舒服
廁所仲用咗電動嘅，真係好似去咗日本咁，下次想試埋其他嘢食
我仲見到佢有個酒櫃，下次約埋朋友一齊嚟試其他嘢之餘仲想開支酒飲🤭🤭
張貼
