Tommy Yummy (元點)

營業中

休息中

元朗的Tommy Yummy餐廳環境清新，簡約設計，用植物點綴令人心情很放鬆。二人餐有Set A同Set B 兩款。我哋揀咗setB，價錢好抵食，$398就可以試到好多菜式。金柚海蝦沙律清爽可口，大蝦高質啖啖肉，柚子果肉多汁酸甜與海蝦好夾。柚子果肉多汁好欣賞佢哋嘅擺盤，很有藝術感，系色香味嘅享受！馬拉盞炒椰菜苗帶有微辣口感，椰菜翠綠脆嫩，而且多汁冇渣。用馬拉盞爆炒到好香口。大蝦海鮮冬蔭公意大利麵Fusion菜式，冬蔭公湯底濃郁，椰奶和香料突出，有泰式酸辣風味，意大利麵吸收晒海鮮鮮香同冬蔭公精華，好味出色。黃咖哩薯蓉燉牛面肉牛肉軟嫩入味，入口即化！搭配滑順的薯蓉，口感有層次感。用咗濃郁的黃咖哩底，充滿東南亞風味。椰子斑蘭梳打+薄荷青檸梳打清涼解渴，尤其鐘意斑蘭味夠突出。