新沙洞大排檔 (好順景大廈1座) (已結業)

朋友想食韓燒，即刻上網搵到呢間喺元朗「新沙洞大排檔」。店內大電視不停播放住K-POP，唔使飛去韓國，都感受到韓風。醬油蟹要提早打電話預訂才有優惠價$198，(原價$298)，一至四全日供應。五六日就要七點前，公眾假期就沒有優惠啦！優惠不能同時使用鐵板燒濟州黑毛豬 濟州黑毛豬放在鐵板度燒，香氣撲鼻，肥瘦適中，肉質爽口，完全唔膩。醬油蟹膏蟹肉拌飯 拌飯有蟹膏、蟹肉、紫菜和蟹子，將蛋黃撈勻所有材料，味道更好。炸甜薯芝士棒 即叫即炸，一碟有5件，甜薯有芝士拉絲效果，外皮鬆脆，美味可口。招牌炸雞半份(甜辣) 招牌炸雞，炸粉唔厚，皮脆肉滑兼且無骨，雞件大大件，食落啖啖肉，真係好滿足。招牌原粒蜂巢蜜米酒 有原粒蜂蜜放在杯內，將蜂蜜慢慢攪勻之後，甜甜地容易入口，酒精濃度唔高，適合淺嘗嘅朋友試下。服務員有禮貌，地方乾淨企理，店內抽風唔錯，完全無油煙味。新沙洞大排檔 (好順景大廈1座)元朗鳳攸南街3號好順景大廈1座地下3號舖