影片
更多
2021-05-02
141 瀏覽
近日政府又推出疫情新措施，不過我哋兩個人去食飯，對我哋冇乜影響。元朗多嘢食就係人都知，今次就揀咗又有好嘢食，又有酒飲嘅泰國菜餐廳。一入餐廳，分咗室外同室內(最近天氣開始熱，要留意下入夜會有蚊)，裝修幾特別，又有個Screen一直播住泰文歌嘅mv，夠哂泰國風情。餐廳嘅食物同飲品都幾多選擇，樣樣都好吸引，好難先做到決擇😂飲品比食物易揀，揀咗一杯蜂蜜味嘅Frozen版嘅麒麟啤酒，另外再揀一杯益力多溝Corona。兩杯飲品都夠哂冰涼，啱哂食泰國菜嘅心情。食物方面，我哋揀咗甜柚鮮蝦沙律，椒鹽魔鬼魚同埋廚師特色蝦醬炒飯。甜柚鮮蝦沙律嘅柚子同蔬菜配上醬汁，味精酸酸甜甜，非常開胃，作為前菜絕對合適。唯一要彈嘅就係蝦得兩隻，多人share就唔夠分喇。椒鹽魔鬼魚聽落幾新穎，一見就心思思想試，喺眾多選擇下，最後都揀咗佢！魔鬼魚分大中細，我哋得兩個人，驚食唔哂，就叫咗細嘅。魔鬼魚肉質食落同普通炸魚冇乜分別，係實少少啫。由於魔鬼魚係軟骨魚嘅一種，今次真係連骨都呑埋😂炸魚配上三色椒，可以加返一點清新。再配上兩種泰式風味嘅醬汁一齊食，發現自己揀佢係冇做錯決定。廚師特色蝦醬炒飯個賣相夠哂出位，成個藝術品咁。炒飯配上多
一入餐廳，分咗室外同室內(最近天氣開始熱，要留意下入夜會有蚊)，裝修幾特別，又有個Screen一直播住泰文歌嘅mv，夠哂泰國風情。
餐廳嘅食物同飲品都幾多選擇，樣樣都好吸引，好難先做到決擇😂飲品比食物易揀，揀咗一杯蜂蜜味嘅Frozen版嘅麒麟啤酒，另外再揀一杯益力多溝Corona。兩杯飲品都夠哂冰涼，啱哂食泰國菜嘅心情。
食物方面，我哋揀咗甜柚鮮蝦沙律，椒鹽魔鬼魚同埋廚師特色蝦醬炒飯。
甜柚鮮蝦沙律嘅柚子同蔬菜配上醬汁，味精酸酸甜甜，非常開胃，作為前菜絕對合適。唯一要彈嘅就係蝦得兩隻，多人share就唔夠分喇。
椒鹽魔鬼魚聽落幾新穎，一見就心思思想試，喺眾多選擇下，最後都揀咗佢！魔鬼魚分大中細，我哋得兩個人，驚食唔哂，就叫咗細嘅。魔鬼魚肉質食落同普通炸魚冇乜分別，係實少少啫。由於魔鬼魚係軟骨魚嘅一種，今次真係連骨都呑埋😂炸魚配上三色椒，可以加返一點清新。再配上兩種泰式風味嘅醬汁一齊食，發現自己揀佢係冇做錯決定。
廚師特色蝦醬炒飯個賣相夠哂出位，成個藝術品咁。炒飯配上多種配料，包括青瓜絲、洋蔥、辣椒等等，食之前撈埋所有配料，帶出特色炒飯嘅真正特色😂不過又係要彈下啲蝦，做咗個造型一部分，肉質好硬，麻麻地…🙂
張貼
