Chilli Lime (形點 I)

營業中

休息中

依間位於元朗Yoho內既餐廳集合泰、馬及印度菜於一身，食物款色多，亦好有特色。餐廳環境寬闊，空間感十足，以木系色調為主。牆身掛滿油畫，裝修擺設既有格調又有氣氛，更設有室內及室外座位～❀ 越式免治牛肉斑蘭卷 🐮原本以為份量好少，點知上枱好大盤，好有驚喜😍 斑蘭葉包裹住免治牛肉球，牛味香濃，但質感有少少乾身。旁邊有兩款醬汁，分別係酸辣醬及甜醬油，個人較鐘意有花生碎既甜醬油，食落甜甜地又好香花生味～想食得無咁單調，仲可以用生菜捲住牛肉球、濱海、蔥粒及炸蒜，並蘸上醬汁一齊食，口感好豐富👍🏻❀ 椰漿牛肉咖喱 🥘❀ 牛油烤餅 🫓平時好少見依款咖喱，就特登叫黎試下✨ 咖喱微辣，充滿香料味，帶有淡淡椰香，牛肉整得好入味，味道好濃郁，建議可加配薄餅或飯～薄餅都有好多款式，最後揀了牛油烤餅。烤餅份量好多，外皮烤至微脆，中間帶點煙韌既口感，配埋咖喱食好惹味～❀ 芒果糯米飯 🥭熱辣辣既三色糯米飯配上冰涼既芒果，冰火交融，味道唔錯！糯米飯特意用上紫米及白糯米製成，其中藍色既糯米係加了蝶豆花，形成三種顏色～糯米飯倒上椰漿，配埋芒果食，香甜軟糯，面頭仲有綠豆仁脆脆，增添口感❀ 高塔脆餅 🥜好有特色既甜品～圓錐型既薄