逸之燒 (已結業)

餐廳係近yoho mall 嗰邊，行過去5分鐘左右，店內裝修好日式，一坐低，店員即刻遞上Menu，用心介紹~食物款式有好多種類，刺身、串燒、炭爐燒、一品料理、鍋物、主食等等。⭐️燒鱈魚片$25呢個有驚喜喎，燒到脆卜卜咁，作為餐前小食， 十分過癮。⭐️地金目鯛 $198因為唔係主餐牌，純粹寫落個黑板度，加上我可能有啲散光，以為佢$98四片，點知買單先發現原來係$198😂不過冇所謂啦，因為佢真係好高質，比普通嘅鯛魚更加爽，魚油更香。⭐️三文魚腩刺身 $88⭐️左口魚裙邊壽司 $28正常發揮，冇乜特別😂⭐️燒鵝肝多士 $76/2件鵝肝入口即溶，多士烤得夠乾脆，能夠中和鵝肝嘅油膩。⭐️鹽燒五花串 $28五花腩透過炭火燒香後，脂肪溶得油香撲鼻，令佢更外脆內軟，肉多汁。⭐️安格斯牛小排壽喜燒 $158壽喜燒係我嘅至愛之一🥰鹹鹹甜甜嘅醬汁，令人愛不釋手，配上鮮嫩嘅牛小排，吸收了湯底的精華，十分滋味，另外仲有一啲蔬菜類，非常豐富。⭐️松葉蟹粥 $108性價比高，有一絲絲的蟹肉，鮮味完全滲入粥底，而且都幾大煲，一鍋有4-5碗的份量。