倆口小吃 (已結業)

日思夜想終於比我食到倆口小吃🥹❤️講左幾年話要入元朗食，但我呢個城市人仍然未有機會入元朗🥲終於等到中環Base Hall Food Court有得食，雖然貴好多但有位坐又唔需要排隊，呢個價錢值得既！😂🤣不過中環分店好多款式都長期售罄，可以選擇既唔多~🌟傳統豬腩肉刈包 $58呢個係餐廳招牌刈包，刈包入口鬆軟，入面放左滿滿既炆豬腩肉、花生碎、酸菜同芫茜🤤餐廳將半肥瘦既豬腩肉切細塊，分量好多，而且炆得好淋好入味，肥肉位入口即溶，加上酸酸甜甜既柚子醬平衡豬腩肉既肥膩😋另外刈包入面都放滿酸菜同花生碎，最後再放上大量芫茜，令味道口感都更昇華💗🌟韓式泡菜炸雞刈包 $68炸雞愛好者既我當然係鍾意呢款多D😝炸雞大大舊，而且炸到金黃色，外皮好薄，入面肉質都好嫩🤤厚到係要大大啖食先食到🤤🤣上面有滿滿既泡菜奶油芝士汁，食落辣辣地但同時好creamy好惹味！中間仲夾住梨、京蔥、蔥花同翠肉瓜絲，增加口感😝🌟炸白玉🍡 $30呢個炸白玉比想象中巨型🤣大大串！白玉沾滿黃豆粉同黑芝麻粉，再淋上少少糖漿，新鮮炸起食脆卜卜好似煎堆！不過凍左入口就會變得有點油膩~不過值得一試🌟抺茶忌廉芝士壓餅🍵 $45其實最想食就係呢個壓餅！！