影片
更多
2023-05-05
56 瀏覽
囍串 Xi Chuan📍元朗安興街59-67號安泰樓地下8號舖前排同朋友去元朗圖書館溫書，走嘅時候見到呢間喺公園轉角食串燒嘅餐廳，覺得啲嘢食都幾有特色，唔係常見嘅燒烤串燒店嘅嘢食，愛試小店嘅我哋就入咗去食晚餐。入座時大約7點半，本來只有一兩檯客，估唔到餐廳越夜越精彩，去到接近8點半時已經座無虛席，非常受街坊歡迎！餐廳嘅牆身掛住好多搞鬼嘅裝飾，又有一部大大嘅電視播住連續劇，串燒店嚟講唔算太嘈，地方乾淨企理，服務員態度非常友善，好殷勤，好加分！ 💰$24燒芝士年糕 🧀雖然叫做燒芝士年糕，但原來都有炸過嘅，佢嘅芝士唔會太重味，年糕煙煙韌韌，加埋炸到金黃香脆嘅外皮一齊食，異常地夾。 💰$26孜然羊脾肉 🐑因為唔想食咁多肉，所以我哋都只係叫咗一款肉類串燒嚟試吓。我揀咗我最愛嘅孜然配最愛嘅羊肉，呢款羊脾肉無筋，每粒都沾滿左自然嘅香氣，外面燒得到少少焦香，好味！ 💰$24炸饅頭 🥯炸饅頭似乎係呢間餐廳嘅招牌菜，我見每一檯客人都會叫至少一份，有一檯四人檯仲叫咗兩份嚟share，我哋都唔執輸，叫返一份嚟試吓。佢嘅饅頭唔會實定定，外面層表皮炸到非常酥脆，點埋煉奶一齊食，正！估唔到串燒店都食到咁高質嘅小食！
📍元朗安興街59-67號安泰樓地下8號舖
前排同朋友去元朗圖書館溫書，走嘅時候見到呢間喺公園轉角食串燒嘅餐廳，覺得啲嘢食都幾有特色，唔係常見嘅燒烤串燒店嘅嘢食，愛試小店嘅我哋就入咗去食晚餐。入座時大約7點半，本來只有一兩檯客，估唔到餐廳越夜越精彩，去到接近8點半時已經座無虛席，非常受街坊歡迎！
餐廳嘅牆身掛住好多搞鬼嘅裝飾，又有一部大大嘅電視播住連續劇，串燒店嚟講唔算太嘈，地方乾淨企理，服務員態度非常友善，好殷勤，好加分！
[價錢 Price]
💰$24
燒芝士年糕 🧀
雖然叫做燒芝士年糕，但原來都有炸過嘅，佢嘅芝士唔會太重味，年糕煙煙韌韌，加埋炸到金黃香脆嘅外皮一齊食，異常地夾。
[價錢 Price]
💰$26
孜然羊脾肉 🐑
因為唔想食咁多肉，所以我哋都只係叫咗一款肉類串燒嚟試吓。我揀咗我最愛嘅孜然配最愛嘅羊肉，呢款羊脾肉無筋，每粒都沾滿左自然嘅香氣，外面燒得到少少焦香，好味！
[價錢 Price]
💰$24
炸饅頭 🥯
炸饅頭似乎係呢間餐廳嘅招牌菜，我見每一檯客人都會叫至少一份，有一檯四人檯仲叫咗兩份嚟share，我哋都唔執輸，叫返一份嚟試吓。佢嘅饅頭唔會實定定，外面層表皮炸到非常酥脆，點埋煉奶一齊食，正！估唔到串燒店都食到咁高質嘅小食！
[價錢 Price]
💰$38
奶醬西多 🧈🍞
嘅份奶醬西多其實可以叫估迷你西多，因為佢將一份大份嘅平分咗四份，每一份都獨立淋上咗大量煉奶，裏面搽咗一層厚厚嘅花生醬，極度邪惡！最特別嘅位就係佢呢啲炸物都係會一齊放喺燒烤爐上面，用蠟燭嘅熱力繼續保溫，所以幾時食都係熱辣辣。
[價錢 Price]
💰$28
一碗小餛吞 🥟
一碗有6粒嘅小餛吞，內餡係豬肉同菜，味道偏濃，唔似大大粒嘅廣東嘅餛吞，反而有啲似內地嘅扁食。餛吞皮唔厚，每隻餡都包得好飽滿，叫一碗每人食3隻過下口癮都幾抵！
[價錢 Price]
💰$78
家鄉炒米粉 🍜
餐牌介紹呢碟家鄉炒米粉好有路邊攤嘅風味，的確係好重嘅鑊氣，上檯嘅時候熱辣辣出晒煙，炒米粉嘅香氣撲鼻而嚟！佢用咗雞蛋、叉燒、芽菜同香蔥去炒，份量十足好飽肚。
[價錢 Price]
💰$31
彈滑刮刮雞蛋腸 🥚
估唔到串燒店仲會有腸粉食，呢碟腸粉望落好似皺皮腸粉咁，其實係雞蛋腸嚟㗎，而且真係做得到個名講嘅咁樣又彈又滑。雖然無肉嘅腸粉係清淡咗少少，但雞蛋嘅香味夠，而且有足足四條咁多，真係勁抵食。
[價錢 Price]
💰$32
荔枝梳打 🍹
咁大杯嘅荔枝梳打，你見過末？呢度嘅飲品大部份都係用呢款Hoegarrden酒杯裝，足足有成500ml咁多，連凍檸茶同沙冰都係呢個size，真係勁抵飲！我呢杯荔枝梳打味道偏甜，有啲似兒時食嗰隻好多汁嘅荔枝味啫喱，夏天飲非常解渴！
[價錢 Price]
💰$45
朱古力脆脆Coco 🍫🥤
朋友叫咗呢杯朱古力脆脆Coco，佢嘅朱古力味唔會太苦太濃，醬忌廉撈埋一齊飲，口感好creamy。最驚喜嘅係佢放喺頂嘅Coco脆片仲係脆㗎，上面仲唧滿朱古力醬，好邪惡呀！
張貼
