亞萊嘜嘜 (已結業)

一直也知道元朗多嘢食, 但我自己甚少入去, 因為比較遠, 今次友人話有一間不錯的泰國菜叫亞萊嘜嘜, 而且近西鐵站, 這樣我也算方便, 便入去試下. 款式選擇也有不少. 最後我地選了幾款菜. 小食點了亞萊嘜嘜特色-蒜蓉包和炸芝士蝦丸. 亞萊嘜嘜特色-蒜蓉包. 上枱時已經聞到香噴噴. 這個蒜蓉包差不多每枱人都點一碟, 我地又怎樣錯過呢~ 蒜蓉包係一條條, 入口好鬆化, 又好香蒜蓉味, 食完一條令人好想食第二條. 炸芝士蝦丸. 愛食芝士的我, 見到這個菜式當然要試下. 蝦丸好大粒, 內裡全是半溶芝士. 外層香脆, 蝦肉幾彈牙, 加埋半溶芝士, 雙重口感. 主菜點了招牌泰式粉絲煲蟹和清邁鐵板蠔仔蛋. 由於我唔食得辣, 所以點了粉絲煲. 蟹唔算好大隻, 但肉質尚算爽口. 反而粉絲才是我的最愛, 因為粉絲吸收晒所有精華, 算入味, 但再濃一點更惹味, 而粉絲軟硬適中. 清邁鐵板蠔仔蛋. 這是用鐵板上枱. 蠔仔好肥美, 又夠大隻. 入口仍然保持嫩滑, 完全不會乾身, 加上滑蛋, 更加好味. 這間泰國菜的菜式真係不錯, 雖然遠了一點, 但也值得入來一試.