鋒哥廚房 (已結業)

今日喺元朗呢一間餐廳打邊爐，我哋食呢一個餐除咗打邊爐之外，仲有烤魚和麻辣雞煲食，今次真係有口福啦！先講咗最鍾意食嘅火鍋先，火鍋材料超多，新鮮又靚，任食唔嬲！要咗個四川麻辣湯，麻辣味真係四川級別，啱晒鍾意食辣嘅我哋。火鍋材料真心豐富牛丸和豬肉丸啖啖肉，彈牙又多汁。😎海蝦🦐大大隻，彈牙又爽口，鮮甜且充滿蝦味。🤩青口新鮮而且味道濃郁。😉沙白蜆鮮甜又冇沙，打邊爐一。😙安格斯牛小排肉味濃郁，油脂比例平均，甘香鬆化極之好味😋安格斯牛頸脊又係好滋味，脂肪比較少，食多啲都唔驚肥。😁黑毛豬鮮甜又唔膻，甘香好味！🥳響鈴吸咗麻辣湯汁，口感香脆又柔軟，不論口感還是味道都非常豐富。😏麻辣烤魚用咗成條魚去整，烤魚嘅時間控制得非常好，魚肉鮮嫩又多汁，油脂份量更係啱啱好，同辣汁非常夾，入邊用咗大量辣椒🌶️，花和香料烤焗，越烤就越香，越食越滋味。除咗食仲有大量飲品，汽水，茶，生啤都係任飲，仲有多款甜品可以選擇。食到我哋肚滿場肥。