Terrace in seaside (形點 I)

營業中

休息中

最近對韓式Cafe嘅印象幾好，志在可以同朋友舒舒服服坐低傾下計😛 餐廳走清新風格，設有戶外及室內位置，最得意係每位店員都戴着一頂🍊造型帽仔。食物賣相打卡able，即刻多左個粉紅色泡泡背景咁，充滿少女心🤣❤️🌸 玫瑰醬大蝦扁意粉🦐 仲以為玫瑰醬係走香甜路線，原來係鹹香惹味為主，帶點微辣。蝦肉彈牙，輕輕煎香過，煮得入味啲就更好。🌸 柑橘窩夫🧇要大讚窩夫餅底，口感鬆軟，唔係攤涼左硬梆梆嘅感覺，齋食窩夫都係一種享受。Cream 綿滑得黎唔會死甜，整體配合度幾高。🌸 濟州柑橘乳酪造型有特色，味道清新。🌸 心動雜莓奶昔杯邊圍住咗啲彩虹朱古力條，增加視覺效果🤣 奶味為主，雜莓為輔，唔會太甜膩。