緣聚

營業中

休息中

早幾日和朋友到元朗緣聚食放題，店內一部分充滿日式風情，另一部分又有西歐格調，都幾特別。環境都幾寬敞，沒想到平日晚上都算幾多人容，一邊食不斷都有人客入座。 生蠔任食都幾吸引，生蠔size 不算好大，但勝在夠新鮮，肉質軟滑有鮮味，帶有微微的海水咸味，感覺好fresh 。 燒比目魚，肉質超滑，而且都燒得幾香，加點沙律醬更美味，平時在餐廳食比目魚都比較貴，今晚可盡情食。 刺身種類相當多，比一般放題或自助餐有更多的選擇，油甘魚夠嫩滑，又好新鮮。深海池魚超爽口，好鮮甜，在一般放題是食不到的，一定要試試。赤蝦超大隻，好新鮮，一點腥味都沒有。整體質素要俾個like。 芝麻雞翼水有水準，外皮香脆，有肉汁，而且醃得夠入味，抵讚。麻辣烤蠔都幾正，夠惹味。 鱈魚乾好特別，本以為是軟身的，原來是脆的，有些像厚身薯片，幾有趣。 除了一般罐裝的啤酒汽水外，還有不少款式的特飲，抹茶紅豆幾好飲，好creamy ，不會太甜，good！