舍利鮨 (已結業)

今日和朋友來到元朗呢間舍利鮨，餐廳地點算方便，一出西鐵朗屏站好快就行到。餐廳環境走日式風格，企理新淨，淺白色牆身櫃中擺放不少酒瓶。午市Omakase有3個價錢，分別有$350,$500,$650。有前菜，刺身，壽司，湯同甜品。自己最鐘意Omakase可以坐係吧台一邊欣賞師傅悅目製作過程，一邊聽到師傅精彩介紹。座位亦有塊透明隔板隔住，衛生安全﹗同廚師傾起先知食材由日本漁市場空運直送到港既食材， 用料新鮮，有保證。白子：入口軟淋滑口，味道鮮甜可口。大拖羅:係吞拿魚最多脂肪的部份，肥美鮮味，入口即融。中拖羅亦好肥美， 油脂同魚油係口腔爆發﹗深海池魚:新鮮甘香，魚脂平均。香箱蟹（蟹膏+蟹肉+蟹子）: 多層次鮮甜味和口感~用餐感受舒服和諧，有日本風味，置身其中可以當自己快閃左一次日本之旅。