影片
更多
2021-11-26
543 瀏覽
YOHO嘅餐廳都非常有質素，呢間地鋪居酒屋門口唔大，但入到去真係別有洞天，平時行過隔住玻璃都覺得呢間鋪裝修真係不得了，真係入到去好似去咗日本街頭咁😭每個位都係打卡位！呢晚我最滿意係個服務，俾我見識到咩叫專業嘅服務，經理由一入門口就俾個最靚景嘅位我地，然後又話今日天氣凍，會推介啲食完暖胃嘅菜式俾我地，真係好貼心。飲咗壺水果茶，真係幾驚艷，無諗過原來可以好飲過出面嘅所謂手搖水果茶鋪頭，唔單止水果新鮮，原來連個茶底都係用雪梨茶煲出黎！正🤤之後有油甘魚吞拿魚蓉卷。賣相擺盤都非常不錯！師傅手藝都好高，加咗嘅配茶同topping都令到口感同味道層次更豐富，又唔會掩蓋咗刺身嘅鮮甜！🤩燒鮑魚。燒鮑魚真係超好味😋😋😋上枱已經聞到香味，鮑魚非常新鮮，只需少少鹽粒調味已夠。而且火喉控制得好好，鮑魚切塊後入口仍然都係咁嫩，完全唔怕變橡筋👍👍燒羊鞍。其實係街到食羊鞍都食到怕，好多時都係極騷、肉又鞋又乾，但係呢度真係燒得好有水準，亦食得出來貨已經係靚啲嘅羊！值得一試！😆之後就係令我地暖笠笠嘅鍋飯同埋湯。生薑豚肉鍋飯食到飯焦係基本，講真佢造型唔fancy，唔係將肉推到成座山咁高，但係佢勝在內涵，一杯嘅鍋飯嘅醬汁真係
每個位都係打卡位！
呢晚我最滿意係個服務，俾我見識到咩叫專業嘅服務，經理由一入門口就俾個最靚景嘅位我地，然後又話今日天氣凍，會推介啲食完暖胃嘅菜式俾我地，真係好貼心。
飲咗壺水果茶，真係幾驚艷，無諗過原來可以好飲過出面嘅所謂手搖水果茶鋪頭，唔單止水果新鮮，原來連個茶底都係用雪梨茶煲出黎！正🤤
之後有油甘魚吞拿魚蓉卷。賣相擺盤都非常不錯！師傅手藝都好高，加咗嘅配茶同topping都令到口感同味道層次更豐富，又唔會掩蓋咗刺身嘅鮮甜！🤩
燒鮑魚。燒鮑魚真係超好味😋😋😋上枱已經聞到香味，鮑魚非常新鮮，只需少少鹽粒調味已夠。而且火喉控制得好好，鮑魚切塊後入口仍然都係咁嫩，完全唔怕變橡筋👍👍
燒羊鞍。其實係街到食羊鞍都食到怕，好多時都係極騷、肉又鞋又乾，但係呢度真係燒得好有水準，亦食得出來貨已經係靚啲嘅羊！值得一試！😆
之後就係令我地暖笠笠嘅鍋飯同埋湯。
生薑豚肉鍋飯
食到飯焦係基本，講真佢造型唔fancy，唔係將肉推到成座山咁高，但係佢勝在內涵，一杯嘅鍋飯嘅醬汁真係世一💛 愈食愈好食，仲要食完唔會口渴，真係估唔到我地兩個人都食得完咁大鍋飯！
蟹肉柚子湯
與其話呢鍋係湯，不如話係蟹肉柚子蛋羹！真係料多過湯，蟹肉都唔係流㗎！除咗強香、蟹鮮之外仲有好濃嘅胡椒味，飲完成個人都暖哂！
食完真係暖住咁出去，非常滿足嘅一餐！另外再讚一次服務真係一流，每個侍應都好留意我地嘅需要，而且真係會介紹每道菜嘅特色之處，推薦俾各位❣️
張貼
