兩姊妹涼皮有限公司 (教育路)

營業中

休息中

相隔一個月後，家人主動提議再幫襯兩姐妹涼皮。家人叫咗招牌涼皮，微辣，加咗酸豆角及滷水牛柏葉。涼皮質感繼續保持，家人好鐘意食。我就都係支持冷麵，同埋再一次建議，男士叫2個麵餅會穩陣啲，因為辣辣地開胃。另外叫咗一份椒麻雞，及一份粒粒雞髀菇。椒麻雞重點推介大家試下，我地覺得好惹味，啖啖肉。粒粒雞髀菇可能吸收咗啲汁，食落好似更加惹味。我地只兩樣都只係叫微辣。提提大家，我地試過8點幾後叫外賣已經關咗店，可能係因為太好賣，賣晒就收舖。