影片
更多
2018-10-20
107 瀏覽
約咗朋友星期五喺呢度食夜晚飯，當晚都坐到爆曬，我哋每個人都叫咗一個dinner set，淨係等餐湯都要等半個鐘，等左成個鐘頭先上主菜。其實我哋都係叫啲好簡單嘅嘢豬扒薯條，咖喱飯等等，理論上唔需要用一個鐘都可以整得到，完全唔明點解可以整咁耐。我哋其中一個朋友遲我哋九個鐘頭到，大約八點三坐入嚟，但我哋幾個連主菜都仲未有，本身已經好肚餓，佢見淨係等個餐湯都要等成半個鐘，個朋友已經好有禮貌咁問個侍應可唔可以上咗個餐湯先，點知個侍應好大反應咁話「見唔見到好多單，排緊隊㗎！」。我都知得兩個侍應做嘢係會比較忙，但我哋都已經好有禮貌咁樣問你，之前我哋嗰幾個餐等左九個字都冇催，你可唔可以好態度少少。我唔知個日廚房係咪少咗個人搞到出餐效率低左，但如果你根本應付唔到咁多人就唔好開咁多張枱囉，又要開到出行人路，搞到張張枱都要等至少一個鐘頭。至於啲嘢食係唔係好似其他人講到咁好食，我就覺得比較普通，同埋完全唔值得我去等一個鐘頭囉，啲高櫈又唔係特別好坐，咁樣等法真係坐到腰骨都痛。好老實講如果嗰日廚房真係有問題嘅，就唔應該接咁多張單。如果你明知道出餐係會慢嘅，都可以喺客人入嚟之前通知聲，至少心入邊會有個預算，或者趕時
其實我哋都係叫啲好簡單嘅嘢豬扒薯條，咖喱飯等等，理論上唔需要用一個鐘都可以整得到，完全唔明點解可以整咁耐。
我哋其中一個朋友遲我哋九個鐘頭到，大約八點三坐入嚟，但我哋幾個連主菜都仲未有，本身已經好肚餓，佢見淨係等個餐湯都要等成半個鐘，個朋友已經好有禮貌咁問個侍應可唔可以上咗個餐湯先，點知個侍應好大反應咁話「見唔見到好多單，排緊隊㗎！」。我都知得兩個侍應做嘢係會比較忙，但我哋都已經好有禮貌咁樣問你，之前我哋嗰幾個餐等左九個字都冇催，你可唔可以好態度少少。我唔知個日廚房係咪少咗個人搞到出餐效率低左，但如果你根本應付唔到咁多人就唔好開咁多張枱囉，又要開到出行人路，搞到張張枱都要等至少一個鐘頭。
至於啲嘢食係唔係好似其他人講到咁好食，我就覺得比較普通，同埋完全唔值得我去等一個鐘頭囉，啲高櫈又唔係特別好坐，咁樣等法真係坐到腰骨都痛。
好老實講如果嗰日廚房真係有問題嘅，就唔應該接咁多張單。如果你明知道出餐係會慢嘅，都可以喺客人入嚟之前通知聲，至少心入邊會有個預算，或者趕時間好肚餓就直頭選擇唔係你呢一度食。總之就冇下次。
張貼