舍利鮨 (已結業)

好耐都冇去過旅行，特別係日本，好掛住日本既新鮮壽司、刺身。今日去元朗探朋友 ，朋友話帶我食日本廚師發板，我第一時間即刻嗌好。朋友帶我黎呢間喺世宙商場既舍利鮨Sushi Shari。餐廳私隱度高，裝修時尚簡約舒適。師傅係一路食一路介紹，話所有食材都係每日由日本魚市場直送嚟香港，保證新鮮。另外用上特製既赤醋飯，柔滑之餘仲可以提升刺身的魚鮨味。呢餐好滿足呀，食到三文魚子海膽飯、新鮮海膽、中拖羅、 牡丹蝦配蝦膏。呢幾款係我特別鐘意，新鮮得黎，個配搭仲啱啱好。