味仟食店

營業中

休息中

平時想食煲仔飯大家都話要出油麻地，但原來元朗都有好好味既煲仔飯！呢排天氣涼涼地，我地想去試試佢。上次經過大排長龍，所以放棄左。今日早d去，唔太多人，等左一陣已經有位。一早叫定野食，坐低好快有得食。呢個辣鮮雞煲仔飯真係幾正，辣味夠，又唔會辣到食唔到，d飯粒粒分明，好多飯焦，超級香。魚香茄子煲熱辣辣，成煲滾住上，香氣四逸，好似平時行過屋村，聞到既香味。腐乳炒通菜夠鑊氣，唔會過咸，仲有甜味！好過d泰國餐廳d炒通菜好多！