峰手撕雞 (鴻運中心)

營業中

休息中

今日第一次幫襯，冇睇之前食評，原來好多人都話店員服務差。今日終於體驗，店員服務真心差，食物質素中下，價錢冇彈性，性價比低不會再幫襯。睇餐牌有唔明，問店員係唔多睬你，飯好似$35但得一個餸，所以揀咗淨餸，總之都係一句$48，$48咁講，問多句都費事理，爭在未講你自己睇，其實$48可以揀三個餸，但牛𦟌同墨魚就要另外加多$10即係$58蚊。所以我揀咗豬腸，牛肚同燻蹄，牛肚都幾好食，豬腸正常，燻蹄就唔好食，肉質硬又冇味，分量都唔算少，但一個人食太多，兩個人食就差不多，一個人食唔晒要留就冇謂，所以一個人就最好唔好買淨餸！呢個價錢食物一般般，有第二啲選擇唔會再幫襯，而且服務係好重要，店員態度令人不想再幫襯，冇下次。