影片
更多
2017-03-01
864 瀏覽
是咁的~之前都有食過位於元朗嘅呢間蛋包飯 不過果陣真係公眾假期 所以記得印象中係好食但都偏貴 咁今次因為有野慶祝所以特登同女朋友仔一齊請左半日假然後就黎呢到食lunch喇~~去到門口 發現有lunch set嫁價錢仲好抵食tim呀 入到去都有唔少學生哥喺到食 不過因為黎到都一點幾 佢地都差唔多食完要繼續番學所以我地兩個等左兩分鐘就有位喇我點左個和風牛舌蛋包飯 傻妹點左三文魚蛋包飯 我地仲加錢轉流心蛋tim ar(不過每碟加18蚊) 每人仲有一份前菜沙律送tim ar沙律冇咩特別 麻醬唔夠多 不過都好 清d呀嘛 多醬冇咁健康到主菜喇我嘅牛舌飯就配咖哩汁 女朋友仔嘅三文魚就配白汁個牛舌飯真係俾我想像中好味 因為唔計加錢流心蛋 佢一個set先50蚊(包野飲) 我以為佢會炒好個飯之後擺三兩片燒牛舌上黎就算。點知唔係 佢係幾牛舌切粒 再加洋蔥乾蔥同飯一齊炒 所以食飯嘅時候都食到牛舌嘅香 仲有唔好以為佢切粒炒就啫係落好少牛舌 絕對唔係! 我都話佢連飯都食到牛舌香 而且飯嘅份量好夠 所以牛舌粒嘅數目一定要有番咁上下先support到 balance到炒飯同牛舌嘅味道比重 好正!!至於女朋友仔個三文魚
去到門口 發現有lunch set嫁價錢仲好抵食tim呀 入到去都有唔少學生哥喺到食 不過因為黎到都一點幾 佢地都差唔多食完要繼續番學所以我地兩個等左兩分鐘就有位喇
我點左個和風牛舌蛋包飯 傻妹點左三文魚蛋包飯 我地仲加錢轉流心蛋tim ar(不過每碟加18蚊)
每人仲有一份前菜沙律送tim ar
沙律冇咩特別 麻醬唔夠多 不過都好 清d呀嘛 多醬冇咁健康
到主菜喇
我嘅牛舌飯就配咖哩汁 女朋友仔嘅三文魚就配白汁
個牛舌飯真係俾我想像中好味 因為唔計加錢流心蛋 佢一個set先50蚊(包野飲) 我以為佢會炒好個飯之後擺三兩片燒牛舌上黎就算。點知唔係 佢係幾牛舌切粒 再加洋蔥乾蔥同飯一齊炒 所以食飯嘅時候都食到牛舌嘅香 仲有唔好以為佢切粒炒就啫係落好少牛舌 絕對唔係! 我都話佢連飯都食到牛舌香 而且飯嘅份量好夠 所以牛舌粒嘅數目一定要有番咁上下先support到 balance到炒飯同牛舌嘅味道比重 好正!!
至於女朋友仔個三文魚炒飯 我都有試 同樣有好多料 啫係好多三文魚碎 亦都係同d炒飯融埋一齊 不過佢個白汁就淡d喇唔及我個咖哩汁咁好味
總括黎講 如果大家有機會lunch黎食 真係要試下 因為抵好多嫁 雖然選擇少 但如果講緊正價 佢d蛋包飯都要一舊水起碼(最平88蚊) 係就係好好味 但同樣水準同樣味道 情況許可嘅梗係黎食lunch set啦
p.s.流唔流心蛋見人見智 我都係見到fb嘅page佢d流心蛋好靚今次先試下 但加18蚊我又覺得唔係好抵 因為對於味道上冇咩幫助 只係賣相吸引同可以厄下like咁啫
張貼
