真．奶 (已結業)

朋友好耐以前已經推薦過呢一間手搖飲品店！實在太後悔點解我唔早啲認識到呢一間嘢飲舖🥹佢實在太適合啲鍾意飲甜野又怕肥嘅人！同埋佢除咗可以轉脫脂奶，0%fat greek yogurt，仲可以轉代糖，即刻罪惡感減半！🤭香港本來就冇乜邊間可以轉代糖，因為成本好高！同埋正常轉做代糖係會難飲咗（我覺得啦），但係呢一間轉左都係好好飲🥹✨小粉紅（士多啤梨乳酪奶） $42 +7（轉羅漢果糖）我想講佢好適合做代餐，飲完一杯真係飽到完全唔想食嘢！我第一次飲嘢飲可以飲到飲唔晒😂超滿足！同埋佢超足料，老闆娘話佢用咗18粒士多啤梨打出嚟，杯杯都係真材實料用水果,唔係加香料！✨桃芒（水蛋桃x芒果x茉莉茶） $38呢個嘅茶底香到爆，好fresh，係用新鮮芒果同埋桃！當日經過嘅時候係老闆嘅媽媽看舖，佢超級nice！同我哋傾偈講開話佢個仔開完間鋪之後就移咗民，留低咗呢個舖頭俾佢繼續做～不過佢都老，做到好攰，同埋都唔係好搵到錢，所以都好想結業！晴天霹靂！我心諗我難得先飲到間咁好嘅嘢⋯可唔可以做耐啲😂等我飲多幾次！所以大家想試嘅話就趁早🫣📍 真．奶 (元朗)元朗裕榮徑3-5號金禧樓地下5號舖.#stilleating元朗 #