影片
更多
2019-07-21
4080 瀏覽
細細妺生日，好想揾一間特別啲嘅餐廳食飯慶祝，諗起之前去過一間唔錯，一於帶佢去試下生日飯由紫藤花小路開始泊完車响村公所旁之後，要走一段路才到屋舍！屋舍曾經歷山竹摧毀，重建後嘅屋舍保持舊貌，室內裝飾只有少許改變，但依然簡約、舒適！不過响冷氣房生活既我，走進屋舍只見幾把吊扇，總有啲唔習慣，還好今天曾下過一場雨，加上郊外氣溫較涼快，慢慢又發現都好舒服。尼度周圍沒有車聲，只有蟬聲，有歸田園嘅感覺屋舍周邊有唔少昆蟲，包括可怕嘅蚊，店主好細心，不但放左蚊香，重準備好蚊怕水，止痕膏尼度係無餐單的，廚師每日搵最新鲜當造嘅本地有機菜，再設計菜式，真正屬於有Heart嘅香港原創味道！依家逐一介紹一下今日食左乜首先嚟個Welcome drink: 百花蛇舌草海底椰蘋果薏米斑蘭水，用料十足，有淡淡嘅斑蘭味前菜：羊肚菌伴筍蘑姑洋蔥湯，濃濃嘅蘑姑湯配手工麵包鮮蔬果沙律拌榴槤汁或熱情果汁，非常多料，除沙律菜外，重有紅火龍果、蕃石榴、無花果、荔枝、蕃茄，真係好少沙律會有咁多種鮮果，正到暈Main course: 蕃茄牛油果甜椒天使麵配栗子酥皮烤啡菇、橄欖茄子配秋葵青豆角款式多樣化，份量多到嚇人，飽飽！妺妹生日又點少得生
生日飯由紫藤花小路開始泊完車响村公所旁之後，要走一段路才到屋舍！
屋舍曾經歷山竹摧毀，重建後嘅屋舍保持舊貌，室內裝飾只有少許改變，但依然簡約、舒適！不過响冷氣房生活既我，走進屋舍只見幾把吊扇，總有啲唔習慣，還好今天曾下過一場雨，加上郊外氣溫較涼快，慢慢又發現都好舒服。尼度周圍沒有車聲，只有蟬聲，有歸田園嘅感覺
屋舍周邊有唔少昆蟲，包括可怕嘅蚊，店主好細心，不但放左蚊香，重準備好蚊怕水，止痕膏
尼度係無餐單的，廚師每日搵最新鲜當造嘅本地有機菜，再設計菜式，真正屬於有Heart嘅香港原創味道！依家逐一介紹一下今日食左乜首先嚟個Welcome drink: 百花蛇舌草海底椰蘋果薏米斑蘭水，用料十足，有淡淡嘅斑蘭味
前菜：羊肚菌伴筍
蘑姑洋蔥湯，濃濃嘅蘑姑湯配手工麵包
鮮蔬果沙律拌榴槤汁或熱情果汁，非常多料，除沙律菜外，重有紅火龍果、蕃石榴、無花果、荔枝、蕃茄，真係好少沙律會有咁多種鮮果，正到暈
Main course: 蕃茄牛油果甜椒天使麵配栗子酥皮烤啡菇、橄欖茄子配秋葵青豆角款式多樣化，份量多到嚇人，飽飽！
妺妹生日又點少得生日甜品，但飽到一個點，最後只揀左一個雪芭，不過店主太好，竟然主動送左件插上爉燭嘅緣茶米蛋糕，妹妹話非常感動至於甜品嘅味道呢：雪芭採用鮮果製作，冰凍可口，綠茶米蛋糕有濃厚綠茶味道，唔會太甜，鬆軟美味
特別一提，跟店主傾談下先知道店將會放暑假至八月尾，有興趣嘅朋友，可能要等暑假後先有機會試到咁美味嘅齋喇！
張貼
