羅東肉焿番

營業中

休息中

元朗真係一個好多美食嘅地方，今日想介紹一個正宗台式小店。肉鬆蛋餅份量超級大，肉鬆豐富，即叫即做。爆餡蛋餅又多款選擇，原味、芝士、肉鬆、玉米味，必食之選。仙草芋圓三色芋圓，配合黑糖湯底，芋圓煙靭Q彈，帶點微微香草味，配有紅豆，小丸子同埋海藻水晶，足料抵食，有台式古早味嘅味道。燒麻糬一共四款口味，草莓，朱古力，花生，芝麻。今次就叫咗花生同芝麻口味，味道唔會過甜，口感似糖不甩，不過略嫌麻糬皮有啲厚身。整體而言，羅東肉焿番食物大件夾抵食，值得一試。