民華餐廳 (已結業)

食過民華最signature既常餐未？岩岩同朋友講起，就即刻要再食多次，當然要繼續支持我最愛嘅，蕃茄湯通粉啦雖然已經食過好多次， 但係次次來到都一定忍唔住再叫佢， 因為佢真係誠意之作！🍅蕃茄湯叉燒通粉 👍🏿 蕃茄湯特濃，啖啖原粒新鮮蕃茄，蕃茄味濃得來唔係好假嘅茄膏味。通粉唔會煮或者浸到腍。最值得一讚係啲叉燒！每粒都肥瘦均勻，好香口，又唔會好油，激讚！🥚滑蛋同多士都係用心之作。多士好脆，唔會烘到變焦，牛油搽得好均勻，每一啖都品嚐到，仲要大大舊，務求食到你飽😛 滑蛋都同以往一樣咁滑，蛋味十足😋