Tommy Yummy (元點)

營業中

休息中

想搵個位坐低食下野傾下偈，揀左去YOHO MIX的TOMMY YUMMY。等左一陣就有枱，坐低後店員送上餐牌同qr code，睇下食咩好先。⭐打拋豬肉碎煎蛋飯叫咗好受歡迎嘅打拋豬肉飯，一碗大飯仲有一份蝦片，賣相都唔錯。上面嘅荷包蛋煎到燶邊，入面仲有蛋汁，送飯一流🤤⭐泰式炸物拼盤另外叫咗個炸物拼盤，雖然話二至三人份量，但大部分嘢都係雙份，除咗春卷有三條外。炸蝦餅很大塊兼且蝦肉爽口，好好食🤤豬頸肉嫩滑，雞翼好重香茅味，豬肉丸造型得意，春捲入面包住芋頭炸得很香脆，炸魚餅個人覺得太辣了。付上兩款泰式醬汁，都係酸酸辣辣的，一種水狀另一款係膏咗，我覺得兩隻醬都好好食，同啲炸物好配。⭐蝶豆花鮮奶咖啡 & ⭐椰子飄香咖啡配雪糕要坐低傾計梗係要叫返杯靚靚飲品啦，自己叫咗杯蝶豆花，朋友叫咗椰子飄香。蝶豆花變色漸層望落真係好靚😍啡味香濃幾好飲，朋友個杯用上椰奶好香椰子味，加上雪糕溶咗杯咖啡超滑囉。加埋一人均消費200蚊左右，商場價黎計抵到爛啦。